31.13C Vancouver 31.13C VancouverMar 12, 2021 2:24 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਬਕਾ 'ਚੀਫ਼ ਆਫ ਡਿਫੈਂਸ' ਜਨਰਲ ਜੋਨਾਥਨ ਵੈਂਸ 'ਤੇ ਲੱਗੇ ਜਿਨਸੀ ਦੁਰਵਿਵਹਾਰ ਦੇ ਕਿਸੇ ਵੀ ਇਲਜ਼ਾਮਾਂ ਦੀ ਜ਼ਿੰਮੇਵਾਰੀ ਲੈਣ ਤੋਂ ਪਾਸ ਵੱਟਿਆ ਹੈ।
ਉਨ੍ਹਾਂ ਕਿਹਾ ਕਿ ਇਹ ਉਨ੍ਹਾਂ ਦੀ ਜ਼ਿੰਮੇਵਾਰੀ ਨਹੀਂ ਸੀ ਕਿ 3 ਸਾਲ ਪਹਿਲਾਂ ਇਸ ਮਾਮਲੇ ਦੀ ਖੁਦ ਜਾਂਚ ਕਰਦੇ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦੀ ਜ਼ਿੰਮੇਵਾਰੀ ਇਸ ਮਾਮਲੇ ਦੀ ਜਾਣਕਾਰੀ ਅੱਗੇ ਪਹੁੰਚਾਉਣ ਦੀ ਸੀ ਅਤੇ ਅਜਿਹਾ ਹੀ ਕੀਤਾ ਗਿਆ।
ਟਰੂਡੋ ਨੇ ਕਿਹਾ ਕਿ ਜਾਂਚ ਦੀ ਜ਼ਿੰਮੇਵਾਰੀ ਸੁਤੰਤਰ ਜਾਂਚ ਅਧਿਕਾਰੀਆਂ ਦੀ ਸੀ।
ਇਹ ਟਿੱਪਣੀਆਂ ਉਸ ਵੇਲੇ ਕੀਤੀਆਂ ਗਈਆਂ ਜਦ ਕੰਜ਼ਰਵੇਟਿਵ ਲੀਡਰ, ਐਰਿਨ ਓ'ਟੂਲ ਨੇ ਟਰੂਡੋ ਅਤੇ ਰੱਖਿਆ ਮੰਤਰੀ ਹਰਜੀਤ ਸੱਜਣ 'ਤੇ ਸਵਾਲ ਚੁੱਕੇ ਅਤੇ ਕਿਹਾ ਕਿ ਦੋਵਾਂ ਨੇ ਦੇਸ਼ ਦੀ ਸੇਵਾ ਕਰ ਰਹੀ ਔਰਤ ਨੂੰ ਨਿਰਾਸ਼ ਕੀਤਾ ਸੀ।
ਉਨ੍ਹਾਂ ਕਿਹਾ ਕਿ ਟਰੂਡੋ ਚੰਗੀ ਲੀਡਰਸ਼ਿਪ ਵਿਖਾਉਣ 'ਚ ਫੇਲ੍ਹ ਰਹੇ। ਯਾਦ ਰਹੇ ਟਰੂਡੋ ਨੇ ਕੱਲ ਮੰਨਿਆ ਸੀ ਕਿ ਉਨ੍ਹਾਂ ਦਾ ਦਫ਼ਤਰ ਸਾਲ 2018 'ਚ ਜਾਣਦਾ ਸੀ ਕਿ ਉਸ ਵੇਲੇ ਦੇ 'ਚੀਫ਼ ਆਫ ਡਿਫੈਂਸ' ਜਨਰਲ ਜੋਨਾਥਨ ਵੈਂਸ 'ਤੇ ਜਿਨਸੀ ਦੁਰਵਿਵਹਾਰ ਦੇ ਇਲਜ਼ਾਮ ਲੱਗੇ ਸਨ।
ਪਰ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ, ਜਾਂ ਸਰਕਾਰ ਦੇ ਹੋਰ ਲੋਕਾਂ ਨੂੰ ਇਸ ਦੇ ਵੇਰਵਿਆਂ ਬਾਰੇ ਉਸ ਵੇਲੇ ਤਕ ਨਹੀਂ ਪਤਾ ਸੀ, ਜਦ ਤਕ ਕਿ ਉਨ੍ਹਾਂ ਬੀਤੇ ਮਹੀਨੇ ਦੀ ਗਲੋਬਲ ਨਿਊਜ਼ ਦੀ ਰਿਪੋਰਟ ਨਹੀਂ ਵੇਖੀ ਸੀ।
