9.15C Vancouver 9.15C VancouverNov 1, 2021 8:51 PM - The Canadian Press
ਗਲਾਸਗੋ 'ਚ ਜਾਰੀ ਯੂ.ਐਨ. ਕਲਾਈਮੇਟ ਕਨਵੈਨਸ਼ਨ 'ਚ ਅੰਤਰਰਾਸ਼ਟਰੀ ਡੈਲੀਗੇਟ ਆਪਣੀਆਂ ਕਮਿਟਮੈਂਟਸ ਅਤੇ ਗੱਲਾਂਬਾਤਾਂ ਸਾਂਝੀਆਂ ਕਰ ਰਹੇ ਹਨ।
ਇਸੇ ਦੌਰਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬੀ.ਸੀ. ਦੇ ਇੱਕ ਪਿੰਡ ਦੇ ਹਾਲਾਤਾਂ ਦੀ ਜਾਣਕਾਰੀ ਸਾਰਿਆਂ ਦੇ ਸਾਹਮਣੇ ਰੱਖੀ।
ਉਨ੍ਹਾਂ ਇੰਟਰਨੈਸ਼ਨਲ ਡੈਲੀਗੇਟਸ ਨੂੰ ਯਾਦ ਦਵਾਇਆ ਕਿ ਕਿਵੇਂ ਬੀ.ਸੀ. ਦੇ ਇੱਕ ਪਿੰਡ ਨੂੰ ਅੱਗ ਲਗ ਗਈ ਅਤੇ ਲੋਕਾਂ ਨੂੰ ਘਰ ਛੱਡ ਕੇ ਜਾਨ ਬਚਾਉਂਦੇ ਹੋਏ ਭੱਜਣ ਲਈ ਮਜਬੂਰ ਹੋਣਾ ਪਿਆ।
ਉਨ੍ਹਾਂ ਦੱਸਿਆ ਕਿ ਘਟਨਾ 30 ਜੂਨ ਨੂੰ ਵਾਪਰੀ ਸੀ।
ਸੀ.ਓ.ਪੀ.-26 ਕਲਾਈਮੇਟ ਕਨਵੈਨਸ਼ਨ 'ਚ ਟਰੂਡੋ ਨੇ ਆਪਣੇ ਓਪਨਿੰਗ ਐਡਰੈਸ ਦੌਰਾਨ ਲਿਟਨ ਦੇ ਪਿੰਡ 'ਚ ਵਾਪਰੀ ਘਟਨਾ ਦੇ ਵੇਰਵੇ ਸਾਂਝੇ ਕੀਤੇ।
ਟਰੂਡੋ ਨੇ ਕਿਹਾ ਕਿ ਕੈਨੇਡਾ ਦਾ ਅੱਜ ਤਕ ਦਾ 49.6 ਡਿਗਰੀ ਦਾ ਸਭ ਤੋਂ ਉੱਚਾ ਤਾਪਮਾਨ ਰਿਕਾਰਡ ਕਰਨ ਤੋਂ ਇੱਕ ਦਿਨ ਬਾਅਦ ਹੀ ਇਸ ਇਲਾਕੇ 'ਚ ਭਿਆਨਕ ਅੱਗ ਲਗ ਗਈ ਸੀ।
ਉਨ੍ਹਾਂ ਵਿਸ਼ਵ ਲੀਡਰਾਂ ਨੂੰ ਆਗਾਹ ਕੀਤਾ ਕਿ ਜੋ ਲਿਟਨ 'ਚ ਹੋਇਆ ਉਹ ਕਿਸੇ ਵੀ ਜਗ੍ਹਾ ਹੋ ਸਕਦਾ ਹੈ।
ਟਰੂਡੋ ਨੇ ਸਾਥੀ ਡੈਲੀਗੇਟਸ ਨੂੰ ਅਪੀਲ ਕੀਤੀ ਕਿ ਅੱਗੇ ਵਧਿਆ ਜਾਵੇ ਅਤੇ ਗ੍ਰੀਨਹਾਊਸ ਗੈਸ ਐਮਿਸ਼ਨਸ ਨੂੰ ਘਟਾਉਣ ਲਈ ਕੰਮ ਕੀਤਾ ਜਾਵੇ।
ਟਰੂਡੋ ਨੇ ਇਸ ਮੌਕੇ ਕਿਹਾ ਕਿ ਦੇਸ਼ 'ਚ ਗ੍ਰੀਨਹਾਊਸ ਗਾਈਡ ਐਮਿਸ਼ਨਸ ਨੂੰ ਹੋਰ ਘਟਾਇਆ ਜਾਵੇਗਾ।
