16.79C Vancouver 16.79C VancouverAug 23, 2022 7:25 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਇੱਕ ਵਿਸ਼ੇਸ਼ ਟੀਮ ਤਿਆਰ ਕੀਤੀ ਜਾਵੇਗੀ ਜਿਸ ਦਾ ਧਿਆਨ ਰੂਸ ਵੱਲੋਂ ਕੀਤੇ ਜਾ ਰਹੇ ਪ੍ਰੌਪੇਗੈਂਡਾ ਨੂੰ ਕਾਊਂਟਰ ਕਰਨਾ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਰੂਸ ਵੱਲੋਂ ਗਲਤ ਜਾਣਕਾਰੀ ਫੈਲਾਉਣ ਦੀ ਕੋਸ਼ਿਸ਼ ਨੂੰ ਇਹ ਵਿਸ਼ੇਸ਼ ਟੀਮ ਕਾਊਂਟਰ ਕਰੇਗੀ।
ਟਰੂਡੋ ਨੇ ਕਿਹਾ ਕਿ ਇਹ ਨਵੇਂ ਕਦਮਾਂ ਦਾ ਹਿੱਸਾ ਹੈ ਜਿਸ ਤਹਿਤ ਯੂਕਰੇਨ ਨੂੰ ਸਹਿਯੋਗ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਹੈ ਅਤੇ ਰੂਸ ਦੇ ਪ੍ਰੌਪੇਗੈਂਡਾ ਨੂੰ ਸਬਕ ਸਿਖਾਇਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ ਨਾਲ 6 ਮਹੀਨੇ ਪਹਿਲਾਂ ਯੂਕਰੇਨ ਖਿਲਾਫ ਜੰਗ ਛੇੜਨ ਵਾਲੇ ਰੂਸ ਦੀ ਅਸਲੀਅਤ ਸਾਹਮਣੇ ਆਵੇਗੀ ਜਿਸ ਦੀ ਕਾਰਵਾਈ 'ਚ ਹਜ਼ਾਰਾਂ ਲੋਕਾਂ ਦੀ ਜਾਨ ਚਲੀ ਗਈ ਹੈ ਅਤੇ ਲੱਖਾਂ ਲੋਕ ਪ੍ਰਭਾਵਿਤ ਹੋਏ ਹਨ।
ਟਰੂਡੋ ਦਾ ਕਹਿਣਾ ਸੀ ਕਿ 62 ਹੋਰ ਲੋਕਾਂ ਖਿਲਾਫ ਪਬੰਦੀਆਂ ਲਗਾਉਣ ਤੋਂ ਇਲਾਵਾ ਔਟਵਾ ਦੀ ਪਲੈਨਿੰਗ ਹੈ ਕਿ ਯੂਕਰੇਨ ਦੀ ਮਿਲਟਰੀ ਅਤੇ ਪੁਲਿਸ ਸੇਵਾਵਾਂ ਸੰਬੰਧੀ ਪ੍ਰੋਜੈਕਟਸ 'ਤੇ ਕਰੀਬ $4 ਮਿਲੀਅਨ ਦਾ ਖਰਚਾ ਕੀਤਾ ਜਾਵੇ।
