29.46C Vancouver 29.46C VancouverDec 24, 2020 10:27 PM -
ਮੌਡਰਨਾ ਦੀ ਕੋਵਿਡ-19 ਵੈਕਸੀਨ ਦੀਆਂ ਪਹਿਲੀਆਂ ਖੁਰਾਕਾਂ ਕੈਨੇਡਾ ਪਹੁੰਚ ਗਈਆਂ ਹਨ।
ਇਸ ਦੀ ਜਾਣਕਾਰੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੇ ਇੱਕ ਟਵੀਟ ਜ਼ਰੀਏ ਸਾਂਝੀ ਕੀਤੀ ਹੈ।
ਖੁਰਾਕਾਂ ਦੀ ਇਹ ਸਪਲਾਈ ਇਸੇ ਸਾਲ ਪਹੁੰਚ ਰਹੀ 1,68,000 ਖੁਰਾਕਾਂ ਦਾ ਹਿੱਸਾ ਹੈ।
ਮੌਡਰਨਾ ਨਾਲ ਹੋਏ ਕਰਾਰ ਅਨੁਸਾਰ ਕੈਨੇਡਾ ਨੂੰ ਇਸ ਵੈਕਸੀਨ ਦੀਆਂ 40 ਮਿਲੀਅਨ ਖੁਰਾਕਾਂ ਮਿਲਣੀਆਂ ਹਨ।
ਯਾਦ ਰਹੇ ਬੁੱਧਵਾਰ ਨੂੰ ਹੈਲਥ ਕੈਨੇਡਾ ਨੇ ਮੌਡਰਨਾ ਦੀ ਕੋਵਿਡ-19 ਵੈਕਸੀਨ ਨੂੰ ਕੈਨੇਡਾ 'ਚ ਵਰਤਣ ਲਈ ਮਨਜ਼ੂਰੀ ਦੇ ਦਿੱਤੀ ਸੀ।
ਅੱਜ ਦੇ ਆਪਣੇ ਟਵੀਟ ਨਾਲ ਪ੍ਰਧਾਨ ਮੰਤਰੀ ਟਰੂਡੋ ਨੇ ਦੇਸ਼ 'ਚ ਪਹੁੰਚੀ ਵੈਕਸੀਨ ਦੀ ਪਹਿਲੀ ਸ਼ਿਪਮੈਂਟ ਦੀ ਤਸਵੀਰ ਦੀ ਸਾਂਝੀ ਕੀਤੀ ਹੈ।
ਇਸ ਤਸਵੀਰ 'ਚ ਬਾਰਡਰ ਏਜੈਂਟਸ ਨੂੰ ਫੈਡਰਲ ਐਕਸਪ੍ਰੈਸ ਹਵਾਈ ਜਹਾਜ਼ ਅਨਲੋਡ ਕਰਦੇ ਕਰਮਚਾਰੀਆਂ ਵੱਲ ਵੇਖਦੇ ਹੋਏ ਵੇਖਿਆ ਜਾ ਸਕਦਾ ਹੈ।
