18.85C Vancouver 18.85C VancouverSep 27, 2022 9:31 PM - The Canadian Press
ਫਿਓਨਾ ਨਾਮ ਦੇ ਤੂਫਾਨ ਕਾਰਨ ਪ੍ਰਭਾਵਿਤ ਐਟਲਾਂਟਿਕ ਕੈਨੇਡਾ ਦੇ ਕੁਝ ਇਲਾਕਿਆਂ ਦਾ ਜਾਇਜਾ ਲੈਣ ਲਈ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪਹੁੰਚ ਕੀਤੀ।
ਟਰੂਡੋ ਅੱਜ ਪੀ.ਈ.ਆਈ. ਪਹੁੰਚੇ ਅਤੇ ਪ੍ਰਭਾਵਿਤ ਇਲਾਕੇ ਦੇ ਲੋਕਾਂ ਨਾਲ ਗੱਲਬਾਤ ਕੀਤੀ।
ਇਸ ਤੂਫਾਨ ਦੀ ਚਪੇਟ 'ਚ ਨੋਵਾ ਸਕੌਸ਼ੀਆ ਦੇ ਕੁਝ ਇਲਾਕਿਆਂ ਤੋਂ ਲੈਕੇ ਕੇਪ ਬ੍ਰੈਟਨ ਅਤੇ ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਦੱਖਣਪੱਛਮੀ ਨਿਊਫਿਨਲੈਂਡ ਅਤੇ ਲੈਬਰੇਡੌਰ ਤਕ ਦੇ ਇਲਾਕੇ ਆ ਗਏ ਸਨ।
ਟਰੂਡੋ ਨੇ ਕਿਹਾ ਕਿ ਤੂਫਾਨ ਨੇ ਕਈ ਇੰਫ੍ਰਾਸਟ੍ਰਕਚਰਸ ਨੂੰ ਪੱਟ ਕੇ ਰੱਖ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਕੁਝ ਸਮੇਂ 'ਚ ਬੀ.ਸੀ. ਸਮੇਤ ਕਈ ਇਲਾਕਿਆਂ 'ਚ ਮੌਸਮ ਦੀ ਮਾਰ ਝੱਲਣੀ ਪਈ ਹੈ ਅਤੇ ਦੇਸ਼ ਨੂੰ ਭਵਿੱਖ 'ਚ ਮੌਸਮੀ ਬਦਲਾਅ ਲਈ ਵਧੇਰੇ ਪਲੈਨਿੰਗ ਕਰਨ ਦੀ ਲੋੜ ਹੋਵੇਗੀ।
ਟਰੂਡੋ ਅੱਜ ਕੇਪ ਬ੍ਰੈਟਨ 'ਚ ਗਲੇਸ ਬੇਅ ਅਤੇ ਸਿਡਨੀ ਦੇ ਇਲਾਕਿਆਂ ਦਾ ਵੀ ਦੌਰਾ ਕਰਨ ਜਾ ਰਹੇ ਹਨ।
ਯਾਦ ਰਹੇ ਇਸ ਤੂਫਾਨ ਕਾਰਨ ਭਾਰੀ ਮਾਲੀ ਨੁਕਸਾਨ ਹੋਣ ਦੇ ਨਾਲ-ਨਾਲ 3 ਲੋਕਾਂ ਨੂੰ ਜਾਨ ਵੀ ਗਵਾਉਣੀ ਪਈ ਹੈ।
ਤੂਫਾਨ ਤੋਂ ਬਾਅਦ ਅੱਜ ਵੀ 60,000 ਘਰਾਂ ਅਤੇ ਵਪਾਰਾਂ ਦੀ ਬੱਤੀ ਗੁਲ ਹੋਈ ਦੱਸੀ ਗਈ ਹੈ।
