31.12C Vancouver 31.12C VancouverMar 11, 2021 2:00 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਦਫ਼ਤਰ ਸਾਲ 2018 'ਚ ਜਾਣਦਾ ਸੀ ਕਿ ਉਸ ਵੇਲੇ ਦੇ 'ਚੀਫ਼ ਆਫ ਡਿਫੈਂਸ' ਜਨਰਲ ਜੋਨਾਥਨ ਵੈਂਸ 'ਤੇ ਜਿਨਸੀ ਦੁਰਵਿਵਹਾਰ ਦੇ ਇਲਜ਼ਾਮ ਲੱਗੇ ਸਨ।
ਪਰ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ, ਜਾਂ ਸਰਕਾਰ ਦੇ ਹੋਰ ਲੋਕਾਂ ਨੂੰ ਇਸ ਦੇ ਵੇਰਵਿਆਂ ਬਾਰੇ ਉਸ ਵੇਲੇ ਤਕ ਨਹੀਂ ਪਤਾ ਸੀ, ਜਦ ਤਕ ਕਿ ਉਨ੍ਹਾਂ ਬੀਤੇ ਮਹੀਨੇ ਦੀ ਗਲੋਬਲ ਨਿਊਜ਼ ਦੀ ਰਿਪੋਰਟ ਨਹੀਂ ਵੇਖੀ ਸੀ।
ਹਾਊਸ ਆਫ ਕਾਮਨਜ਼ ਵਿੱਚ ਅੱਜ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਐਰਿਨ ਓ'ਟੂਲ ਵੱਲੋਂ ਚੁੱਕੇ ਗਏ ਸਵਾਲਾਂ ਦੇ ਜਵਾਬ ਵਿੱਚ ਟਰੂਡੋ ਨੇ ਇਹ ਟਿੱਪਣੀਆਂ ਕੀਤੀਆਂ।
ਉਨ੍ਹਾਂ ਪੁਸ਼ਟੀ ਕੀਤੀ ਕਿ ਉਸ ਵੇਲੇ ਮਿਲਟਰੀ ਮੈਂਬਰ ਗੈਰੀ ਵਾਲਬਰਨ ਨੇ ਰੱਖਿਆ ਮੰਤਰੀ ਹਰਜੀਤ ਸੱਜਣ ਨਾਲ ਗੱਲ ਕੀਤੀ ਸੀ ਅਤੇ ਸੱਜਣ ਨੇ ਇਸ ਮਾਮਲੇ ਨੂੰ 'ਸੁਤੰਤਰ ਅਧਿਕਾਰੀਆਂ' ਕੋਲ ਭੇਜ ਦਿੱਤਾ ਸੀ।
ਉਨ੍ਹਾਂ ਕਿਹਾ ਕਿ ਵਧੇਰੇ ਜਾਣਕਾਰੀ ਨਾ ਦਿੱਤੇ ਜਾਣ ਕਾਰਨ ਇਹ ਅਧਿਕਾਰੀ ਮਾਮਲੇ 'ਚ ਵਧੇਰੀ ਜਾਂਚ ਨਹੀਂ ਕਰ ਸਕੇ।
ਯਾਦ ਰਹੇ ਜਨਰਲ ਜੋਨਾਥਨ ਵੈਂਸ ਨੇ ਇਲਜ਼ਾਮਾਂ ਤੋਂ ਇਨਕਾਰ ਕੀਤਾ ਹੈ।
