ਪੌਲੀਐਵ ਨੇ ਸੱਤਾ ਵਿਚ ਆਉਣ 'ਤੇ ਕੈਨੇਡਾ-ਅਮਰੀਕਾ ਸਰਹੱਦ 'ਤੇ ਮਿਲਟਰੀ ਤਾਇਨਾਤ ਕਰਨ ਕੀਤੀ ਘੋਸ਼ਣਾ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਸੱਤਾ ਵਿਚ ਆਉਣ 'ਤੇ ਕੈਨੇਡਾ-ਅਮਰੀਕਾ ਸਰਹੱਦ 'ਤੇ ਮਿਲਟਰੀ ਤਾਇਨਾਤ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਵੈਨਕੂਵਰ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਵਿਰੋਧੀ ਧਿਰ ਦੇ ਲੀਡਰ ਨੇ ਅਮਰੀਕਾ ਨਾਲ ਕੈਨੇਡਾ ਦੀ ਸਰਹੱਦ ਨੂੰ ਮਜ਼ਬੂਤ ​​ਕਰਨ ਲਈ ਆਪਣੀ ਛੇ ਸੂਤਰੀ ਯੋਜਨਾ ਦਾ ਖੁਲਾਸਾ ਕੀਤਾ।

ਪੌਲੀਐਵ ਨੇ ਕਿਹਾ ਕਿ ਕੈਨੇਡਾ ਨੂੰ ਸਿਰਫ਼ ਰਾਸ਼ਟਰਪਤੀ ਟਰੰਪ ਨੂੰ ਖੁਸ਼ ਕਰਨ ਲਈ ਨਹੀਂ ਸਗੋਂ ਆਪਣੇ ਹਿੱਤਾਂ ਲਈ ਆਪਣੀ ਸਰਹੱਦ ਦਾ ਕੰਟਰੋਲ ਵਾਪਸ ਲੈਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਨੂੰ ਆਪਣੀ ਸਰਹੱਦ 'ਤੇ ਠੋਸ ਕਦਮ ਚੁੱਕਣ ਦੀ ਜ਼ਰੂਰਤ ਹੈ ਅਤੇ ਸਾਨੂੰ ਵੀ।

ਪੌਲੀਐਵ ਨੇ ਇਹ ਵੀ ਕਿਹਾ ਕਿ ਉਹ ਕੈਨੇਡਾ ਬਾਰਡਰ ਸਰਿਵਸ ਏਜੰਟਸ ਨੂੰ ਨਾ ਸਿਰਫ ਅਧਿਕਾਰਤ ਬਾਰਡਰ ਕ੍ਰਾਸਿੰਗ 'ਤੇ ਸਗੋਂ ਬਾਰਡਰ ਦੇ ਹਰ ਹਿੱਸੇ 'ਤੇ ਗਸ਼ਤ ਕਰਨ ਦੀ ਖੁੱਲ੍ਹ ਦੇਣਗੇ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਸਰਹੱਦੀ ਯੋਜਨਾ ਲਈ ਲਿਬਰਲਸ ਦੇ ਗੰਨ ਬਾਏ ਬੈਕ ਪ੍ਰੋਗਰਾਮ ਨੂੰ ਰੱਦ ਕਰਕੇ ਅਤੇ ਅਫਸਰਸ਼ਾਹੀ ਵਿਚ ਕਟੌਤੀ ਕਰਕੇ ਭੁਗਤਾਨ ਕਰਨਗੇ।