15.51C Vancouver 15.51C VancouverNov 4, 2024 1:32 PM - The Canadian Press
ਕੰਜ਼ਰਵੇਟਿਵ ਲੀਡਰ ਪੀਅਰ ਪੋਲੀਵਰੇ ਨੇ ਪ੍ਰੀਮੀਅਰਾਂ ਨੂੰ ਚਿੱਠੀ ਲਿਖ ਕੇ $1 ਮਿਲੀਅਨ ਤੋਂ ਸਸਤੇ ਨਵੇਂ ਘਰਾਂ ’ਤੇ ਵਿਕਰੀ ਟੈਕਸ ਖਤਮ ਕਰਨ ਲਈ ਕਿਹਾ ਹੈ। ਉਨ੍ਹਾਂ ਕਿਹਾ ਕਿ ਸੂਬਾਈ ਵਿਕਰੀ ਟੈਕਸ ਕਾਰਨ ਵੀ ਘਰਾਂ ਦੀ ਕੀਮਤ ਵਿਚ ਮਹੱਤਵਪੂਰਨ ਵਾਧਾ ਹੁੰਦਾ ਹੈ। ਇਸ ਤੋਂ ਪਹਿਲਾਂ ਪੋਲੀਵਰੇ ਨੇ ਪਿਛਲੇ ਹਫ਼ਤੇ ਘੋਸ਼ਣਾ ਕੀਤੀ ਸੀ ਕਿ ਜੇ ਉਹ ਪ੍ਰਧਾਨ ਮੰਤਰੀ ਬਣੇ ਤਾਂ $1 ਮਿਲੀਅਨ ਤੋਂ ਘੱਟ ਕੀਮਤ ਵਾਲੇ ਨਵੇਂ ਘਰਾਂ ਲਈ ਵਿਕਰੀ ਟੈਕਸ ਸਮਾਪਤ ਕਰ ਦੇਣਗੇ।
ਹੁਣ ਉਹ ਚਾਹੁੰਦੇ ਹਨ ਕਿ ਸੂਬੇ ਵੀ ਬਰਾਬਰ ਦਾ ਕਦਮ ਉਠਾਉਣ ਤਾਂ ਜੋ ਕੈਨੇਡੀਅਨਾਂ ਲਈ ਖਰੀਦਣਾ ਸੌਖਾ ਹੋ ਸਕੇ। ਕੰਜ਼ਰਵੇਟਿਵ ਦਾ ਅਨੁਮਾਨ ਹੈ ਕਿ ਇਸ ਕਦਮ ਨਾਲ $800,000 ਦੇ ਘਰ ਦੀ ਕੀਮਤ ਵਿਚ $40,000 ਦੀ ਕਮੀ ਆਵੇਗੀ ਅਤੇ ਹਰ ਸਾਲ 30,000 ਵਾਧੂ ਘਰਾਂ ਦੇ ਨਿਰਮਾਣ ਨੂੰ ਰਫ਼ਤਾਰ ਮਿਲੇਗੀ। ਪੋਲੀਵਰੇ ਦਾ ਕਹਿਣਾ ਹੈ ਕਿ
ਉਹ ਫੈਡਰਲ ਟੈਕਸ ਵਿਚ ਕਟੌਤੀ ਦੀ ਭਰਪਾਈ ਉਹ ਲਿਬਰਲਸ ਦੀਆਂ ਹਾਊਸਿੰਗ ਨੀਤੀਆਂ ਨੂੰ ਸਮਾਪਤ ਕਰਕੇ ਕਰਨਗੇ। ਗੌਰਤਲਬ ਹੈ ਕਿ ਹਾਊਸਿੰਗ ਸੰਕਟ ਨੂੰ ਲੈ ਕੇ ਪੋਲੀਵਰੇ ਲਗਾਤਾਰ ਸਰਕਾਰ ’ਤੇ ਹਮਲਾਵਰ ਹਨ ਅਤੇ 2015 ਤੋਂ ਘਰਾਂ ਦੀਆਂ ਕੀਮਤਾਂ ਅਤੇ ਕਿਰਾਏ ਵਿਚ ਵਾਧੇ ਲਈ ਉਨ੍ਹਾਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।
