ਪੌਲੀਐਵ ਨੇ ਜਨਰਲ ਮੋਟਰਜ਼ ਕੈਨੇਡਾ ਦੇ ਓਨਟਾਰੀਓ ਅਸੈਂਬਲੀ ਪਲਾਂਟ 'ਚ ਵਰਕਰਜ਼ ਦੀ ਛਾਂਟੀ ਤੇ ਪ੍ਰਗਟਾਇਆ ਦੁਖ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਜਨਰਲ ਮੋਟਰਜ਼ ਕੈਨੇਡਾ ਦੇ ਓਨਟਾਰੀਓ ਅਸੈਂਬਲੀ ਪਲਾਂਟ ਵਿਚ ਵਰਕਰਜ਼ ਦੀ ਛਾਂਟੀ ਨੂੰ ਲੈ ਕੇ ਦੁਖ਼ ਪ੍ਰਗਟਾਉਂਦੇ ਹੋਏ ਰਾਸ਼ਟਰਪਤੀ ਡੋਨਲਡ ਟਰੰਪ 'ਤੇ ਹਮਲਾ ਬੋਲਿਆ ਹੈ। ਪੌਲੀਐਵ ਨੇ ਕਿਹਾ ਕਿ ਟਰੰਪ ਅਮਰੀਕਾ ਦੇ ਸਭ ਤੋਂ ਕਰੀਬੀ ਮਿੱਤਰ ਨੂੰ ਧੋਖਾ ਦੇ ਰਹੇ ਹਨ ਅਤੇ ਸਾਡੀ ਅਰਥਵਿਵਸਥਾ 'ਤੇ ਹਮਲਾ ਕਰ ਰਹੇ ਹਨ।

ਪੌਲੀਐਵ ਨੇ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਸਾਨੂੰ ਅਮਰੀਕਾ 'ਤੇ ਆਪਣੀ ਨਿਰਭਰਤਾ ਸਮਾਪਤ ਕਰਨੀ ਹੋਵੇਗੀ ਅਤੇ ਆਪਣੀ ਅਰਥਵਿਵਸਥਾ ਦਾ ਪੁਨਰ ਗਠਨ ਕਰਨਾ ਹੋਵੇਗਾ। ਪੌਲੀਐਵ ਨੇ ਕਿਹਾ ਕਿ ਉਨ੍ਹਾਂ ਇੰਗਰਸੋਲ ਪਲਾਂਟ ਦੇ ਵਰਕਰਜ਼ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦੇ ਪ੍ਰਧਾਨ ਨਾਲ ਗੱਲ ਕੀਤੀ ਹੈ ਅਤੇ ਉਹਨਾਂ ਨੂੰ ਭਰੋਸਾ ਦਿਵਾਇਆ ਹੈ ਕਿ ਕੰਜ਼ਰਵੇਟਿਵ ਸਰਕਾਰ ਕੈਨੇਡੀਅਨ ਆਟੋ ਵਰਕਰ ਨੂੰ ਪ੍ਰੋਟੈਕਟ ਕਰੇਗੀ।

ਪੌਲੀਐਵ ਨੇ ਕਿਹਾ ਕਿ ਮੈਂ ਕੈਨੇਡਾ ਦੇ ਨਾਲ ਖੜ੍ਹਾ ਹਾਂ ਅਤੇ ਆਟੋ ਵਰਕਰ ਦੀ ਸਪੋਰਟ ਲਈ ਕੈਨੇਡੀਅਨ-ਨਿਰਮਾਤ ਕਾਰਾਂ 'ਤੇ ਜੀਐੱਸਟੀ ਸਮਾਪਤ ਕੀਤਾ ਜਾਵੇਗਾ ਤੇ ਪ੍ਰਭਾਵਿਤ ਕੰਪਨੀਆਂ ਨੂੰ ਮਦਦ ਕੀਤੀ ਜਾਵੇਗੀ।