13.56C Vancouver 13.56C VancouverDec 17, 2024 7:11 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਪਾਰਟੀ ਨੂੰ ਬਿ੍ਰਟਿਸ਼ ਕੋਲੰਬੀਆ ਦੀ ਕਲੋਵਰਡੇਲ-ਲੈਂਗਲੇ ਜ਼ਿਮਨੀ ਚੋਣ ਵਿਚ ਵੱਡਾ ਝਟਕਾ ਲੱਗਾ ਹੈ, ਇਸ ਜ਼ਿਮਨੀ ਚੋਣ ਵਿਚ ਕੰਜ਼ਰਵੇਟਿਵ ਦੀ ਉਮੀਦਵਾਰ ਤਾਮਾਰਾ ਜੈਨਸਨ ਦੀ ਜਿੱਤ ਹੋਈ, ਜਦੋਂ ਕਿ ਲਿਬਰਲਸ ਦੀ ਮੈਡੀਸਨ ਫਲੀਸ਼ਰ ਅਤੇ ਐੱਨ.ਡੀ.ਪੀ. ਉਮੀਦਵਾਰ ਵੈਨੇਸਾ ਸ਼ਰਮਾ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਲਿਬਰਲ ਦੀ ਇਹ ਇਸ ਸਾਲ ਹੋਈਆਂ ਜ਼ਿਮਨੀ ਚੋਣਾਂ ਵਿਚ ਲਗਾਤਾਰ ਤੀਜੀ ਹਾਰ ਹੈ। ਇਸ ਤੋਂ ਪਹਿਲਾਂ ਸਤੰਬਰ ਵਿਚ ਟਰੂਡੋ ਦੀ ਪਾਰਟੀ ਮਾਂਟਰੀਅਲ ਰਾਈਡਿੰਗ ਵਿਚ ਬਲਾਕ ਕਿਊਬੇਕੋਇਸ ਤੋਂ ਹਾਰੀ ਸੀ ਅਤੇ ਜੂਨ ਵਿਚ ਉਸ ਨੂੰ ਟੋਰਾਂਟੋ-ਸੇਂਟ. ਪਾਲ ਦੀ ਜ਼ਿਮਨੀ ਚੋਣ ਵਿਚ ਕੰਜ਼ਰਵੇਟਿਵ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਲਿਬਰਲ ਪਾਰਟੀ ਦੀ ਤਾਜ਼ਾ ਸੰਸਦੀ ਜ਼ਿਮਨੀ ਚੋਣ ਵਿਚ ਹਾਰ ਉਦੋਂ ਹੋਈ ਹੈ ਜਦੋਂ ਕ੍ਰਿਸਟੀਆ ਫ੍ਰੀਲੈਂਡ ਵਲੋਂ ਮੰਤਰੀ ਮੰਡਲ ਛੱਡਣ ਤੋਂ ਬਾਅਦ ਟਰੂਡੋ ’ਤੇ ਅਸਤੀਫਾ ਦੇਣ ਦਾ ਦਬਾਅ ਵਧਿਆ ਹੈ।
ਲਿਬਰਲ ਪਾਰਟੀ ਦੇ ਕਈ ਐਮ.ਪੀ. ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਅਹੁਦਾ ਛੱਡਣ ਦੀ ਮੰਗ ਕੀਤੀ ਹੈ, ਓਨਟਾਰੀਓ ਤੋਂ ਐਮ.ਪੀ. ਚੈਡ ਕੋਲਿਨਸ ਨੇ ਬੀਤੀ ਸ਼ਾਮ ਪਾਰਟੀ ਦੀ ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨੂੰ ਦੱਸਿਆ ਕਿ ਲਿਬਰਲ ਕਾਕਸ ਡਿਵਾਇਡਡ ਹੈ ਅਤੇ ਪਾਰਟੀ ਨੂੰ ਨਵੇਂ ਲੀਡਰ ਦੀ ਚੋਣ ਕਰਨ ਦੀ ਜ਼ਰੂਰਤ ਹੈ।
