13.54C Vancouver 13.54C VancouverApr 23, 2025 6:28 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਸਵੇਰ ਹੈਮਿਲਟਨ ਵਿਚ ਚੋਣ ਕੰਪੇਨ ਦੌਰਾਨ ਲਿਬਰਲ ਪਾਰਟੀ ਦੇ ਪ੍ਰਧਾਨ ਮੰਤਰੀ ਉਮੀਦਵਾਰ ਮਾਰਕ ਕਾਰਨੀ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ 'ਤੇ ਨਿਸ਼ਾਨਾ ਸਾਧਦਿਆਂ ਉਨ੍ਹਾਂ ਨੂੰ ਕੈਨੇਡਾ ਵਿਚ ਕ੍ਰਾਈਮ ਵਧਣ ਲਈ ਜ਼ਿੰਮੇਵਾਰ ਠਹਿਰਾਇਆ ਅਤੇ ਕਿਹਾ ਕਿ ਇਹ ਹਾਲਾਤ ਸਿੱਧੇ ਲਿਬਰਲਸ ਦੀਆਂ ਡਰੱਗ ਏਜੰਡਾ ਪੌਲਿਸੀਜ਼ ਦਾ ਨਤੀਜਾ ਹਨ।
ਇਸ ਦੌਰਾਨ ਉਨ੍ਹਾਂ ਪਿਛਲੇ ਹਫ਼ਤੇ ਹੈਮਿਲਟਨ ਬੱਸ ਸਟਾਪ 'ਤੇ ਉਡੀਕ ਕਰਦੀ ਹਰਸਿਮਰਤ ਕੌਰ ਰੰਧਾਵਾ ਦੀ ਗੋਲੀ ਲੱਗਣ ਨਾਲ ਹੋਈ ਮੌਤ ਦਾ ਵੀ ਜ਼ਿਕਰ ਕੀਤਾ ਅਤੇ ਇਸ ਘਟਨਾ ਨੂੰ ਹੈਰਾਨੀਜਨਕ ਤੇ ਬੇਸਮਝ ਕਰਾਰ ਦਿੱਤਾ।
ਇਸ ਵਿਚਕਾਰ ਟੋਰਾਂਟੋ ਪੁਲਿਸ ਐਸੋਸੀਏਸ਼ਨ ਨੇ ਪੀਅਰ ਪੌਲੀਐਵ ਨੂੰ ਸਮਰਥਨ ਦਿੱਤਾ ਹੈ। ਇਹ ਯੂਨੀਅਨ ਲਗਭਗ 8,000 ਯੂਨੀਫਾਰਮ ਅਤੇ ਨਾਗਰਿਕ ਮੈਂਬਰ ਦੀ ਨੁਮਾਇੰਦਗੀ ਕਰਦੀ ਹੈ। ਇਸ ਤੋਂ ਪਹਿਲਾਂ ਡਰਹਮ, ਪੀਲ, ਬੈਰੀ ਅਤੇ ਸੌਲਟ ਸਟੀ. ਮੈਰੀ. ਦੀਆਂ ਹੋਰ ਓਨਟਾਰੀਓ ਪੁਲਿਸ ਐਸੋਸੀਏਸ਼ਨਾਂ ਵੀ ਪੌਲੀਐਵ ਸਮਰਥਨ ਕਰਨ ਦੀ ਘੋਸ਼ਣਾ ਕਰ ਚੁੱਕੀਆਂ ਹਨ।
