ਬਾਰਡਰ ਸਕਿਓਰਿਟੀ ਨੂੰ ਲੈ ਕੇ ਪੌਲੀਐਵ ਨੇ ਟਰੂਡੋ ’ਤੇ ਸਾਧਿਆ ਨਿਸ਼ਾਨਾ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਬਾਰਡਰ ਸਕਿਓਰਿਟੀ ਨੂੰ ਲੈ ਕੇ ਪੀ.ਐੱਮ. ਜਸਟਿਨ ਟਰੂਡੋ ’ਤੇ ਵੱਡਾ ਹਮਲਾ ਬੋਲਿਆ ਹੈ। ਔਟਵਾ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦੇ ਉਨ੍ਹਾਂ ਕਿਹਾ ਕਿ ਅੱਜ ਦੇ ਜੋ ਹਾਲਾਤ ਨੇ ਉਸ ਲਈ ਪੂਰੀ ਤਰ੍ਹਾਂ ਟਰੂਡੋ ਜ਼ਿੰਮੇਵਾਰ ਹਨ।

ਪੌਲੀਐਵ ਨੇ ਕਿਹਾ ਕਿ ਟਰੂਡੋ ਤੋਂ ਪਹਿਲਾਂ ਗੈਰ-ਕਾਨੂੰਨੀ ਲਾਂਘੇ ਨਹੀਂ ਸਨ। ਟਰੂਡੋ ਨੇ ਬਾਰਡਰ ਖੁੱਲ੍ਹੇ ਛੱਡ ਦਿੱਤੇ ਕਿ ਕੋਈ ਵੀ ਆਵੇ, ਜਿਸ ਦੇ ਨਤੀਜੇ ਵਜੋਂ ਹੁਣ ਸ਼ਰਣ ਮੰਗਣ ਵਾਲਿਆਂ ਦੀ ਗਿਣਤੀ 10 ਹਜ਼ਾਰ ਤੋਂ ਵੱਧ ਕੇ 200 000 ’ਤੇ ਪਹੁੰਚ ਗਈ ਹੈ ਅਤੇ ਬਾਰਡਰ ਸੁਰੱਖਿਆ ਦੀ ਜ਼ਿੰਮੇਵਾਰੀ ਪ੍ਰੀਮੀਅਰ ਸੰਭਾਲ ਰਹੇ ਹਨ।

ਇਸ ਦੇ ਨਾਲ ਹੀ ਟਰੂਡੋ ’ਤੇ ਹਮਲਾ ਬੋਲਦੇ ਪੌਲੀਐਵ ਨੇ ਕਿਹਾ ਕਿ ਬਾਰਡਰ ਸਕਿਓਰ ਕਰਨ ਦੀ ਉਹ ਆਪਣੀ ਇੱਕ ਪ੍ਰਮੁੱਖ ਜ਼ਿੰਮੇਵਾਰੀ ਨਹੀਂ ਸਾਂਭ ਸਕੇ, ਜਿਸ ਦੇ ਚੱਲਦੇ ਕਿਊਬੈਕ ਅਤੇ ਐਲਬਰਟਾ ਵਰਗੇ ਸੂਬੇ ਹੁਣ ਆਪਣੇ ਦਮ ’ਤੇ ਸਰਹੱਦਾਂ ਦੀ ਸੁਰੱਖਿਆ ਵਧਾ ਰਹੇ ਹਨ।

ਪੌਲੀਐਵ ਨੇ ਕਿਹਾ ਕਿ ਕੈਨੇਡਾ ਨੂੰ ਹੁਣ ਸਟਰੌਂਗ ਪ੍ਰਾਈਮ ਮਿਨਿਸਟਰ ਦੀ ਲੋੜ ਹੈ ਅਤੇ ਟਰੂਡੋ ਨੂੰ ਹਟਾਇਆ ਜਾਣਾ ਚਾਹੀਦਾ ਹੈ।