ਪੌਲੀਐਵ ਜਨਵਰੀ ਵਿੱਚ ਲੀਡਰਸ਼ਿਪ ਸਮੀਖਿਆ ਦਾ ਕਰਨਗੇ ਸਾਹਮਣਾ

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਦੇ ਲੀਡਰ ਪੀਅਰ ਪੌਲੀਐਵ ਦੀ ਪ੍ਰਧਾਨਗੀ ਨੂੰ ਚੁਣੌਤੀ ਮਿਲਣ ਜਾ ਰਹੀ ਹੈ। ਜਨਵਰੀ ਵਿਚ ਕੰਜ਼ਰਵੇਟਿਵ ਪਾਰਟੀ ਮੈਂਬਰ ਵੋਟ ਜ਼ਰੀਏ ਇਹ ਤੈਅ ਕਰਨ ਜਾ ਰਹੇ ਹਨ ਕਿ ਉਨ੍ਹਾਂ ਨੂੰ ਪਾਰਟੀ ਦੇ ਪ੍ਰਧਾਨ ਰਹਿਣਾ ਚਾਹੀਦਾ ਹੈ ਜਾਂ ਨਹੀਂ। ਰਿਪੋਰਟਸ ਮੁਤਾਬਕ, ਪਾਰਟੀ ਦੇ ਨੈਸ਼ਨਲ ਕੌਂਸਲ ਨੇ ਸ਼ਨੀਵਾਰ ਨੂੰ ਇੱਕ ਮੀਟਿੰਗ ਦੌਰਾਨ ਲੀਡਰਸ਼ਿਪ ਸਮੀਖਿਆ ਲਈ ਵੋਟ ਕਰਵਾਉਣ ਦਾ ਫੈਸਲਾ ਕੀਤਾ, ਇਸ ਦਾ ਆਯੋਜਨ ਕੈਲਗਰੀ ਵਿਚ ਹੋਵੇਗਾ।

ਦੱਸਿਆ ਜਾਂਦਾ ਹੈ ਕਿ ਕੰਜ਼ਰਵੇਟਿਵ ਪਾਰਟੀ ਦੇ ਕੁਝ ਮੈਂਬਰਾਂ ਨੇ ਮਾਰਚ ਵਿਚ ਵੋਟ ਕਰਾਏ ਜਾਣ ਦਾ ਵਿਚਾਰ ਦਿੱਤਾ ਸੀ ਪਰ ਪੌਲੀਐਵ ਚਾਹੁੰਦੇ ਸਨ ਕਿ ਇਹ ਜਲਦ ਹੋਵੇ। ਫਿਲਹਾਲ ਵੋਟ ਲਈ ਕੋਈ ਨਿਸ਼ਚਿਤ ਤਾਰੀਖ਼ ਤੈਅ ਨਹੀਂ ਕੀਤੀ ਗਈ ਹੈ ਪਰ ਪਾਰਟੀ ਦਾ ਇਰਾਦਾ ਇਸ ਦਾ ਆਯੋਜਨ ਜਨਵਰੀ ਦੇ ਆਖਰੀ ਹਫ਼ਤੇ ਵਿਚ ਕਰਨ ਦਾ ਹੈ। ਪੌਲੀਐਵ ਸਤੰਬਰ 2022 ਵਿਚ ਕੰਜ਼ਰਵੇਟਿਵ ਪਾਰਟੀ ਦੇ ਪ੍ਰਧਾਨ ਚੁਣੇ ਗਏ ਸਨ।

ਅਪ੍ਰੈਲ ਵਿਚ ਹੋਈਆਂ ਫੈਡਰਲ ਚੋਣਾਂ ਵਿਚ ਉਹ ਆਪਣੀ ਸੀਟ ਹਾਰ ਗਏ ਸਨ ਅਤੇ ਲੀਡਰਸ਼ਿਪ ਰਿਵਿਊ ਉਦੋਂ ਹੋ ਰਿਹਾ ਹੈ ਜਦੋਂ ਪੌਲੀਐਵ ਵਲੋਂ ਐਲਬਰਟਾ ਦੀ ਬੈਟਲ ਰਿਵਰ-ਕਰੋਫੁੱਟ ਰਾਈਡਿੰਗ ਤੋਂ ਚੋਣ ਲੜਨ ਦੀ ਉਮੀਦ ਹੈ।