ਪੌਲੀਐਵ ਨੇ ਜਗਮੀਤ ਸਿੰਘ ਵਲੋਂ ਟਰੂਡੋ ਤੋਂ ਸਮਰਥਨ ਵਾਪਸ ਲਏ ਜਾਣ ਨੂੰ ਦੱਸਿਆ 'ਮੀਡੀਆ ਸਟੰਟ'

ਕੈਨੇਡਾ ਦੀ ਮੁੱਖ ਵਿਰੋਧੀ ਦੇ ਲੀਡਰ ਪੀਅਰੇ ਪੋਲੀਵਰੇ ਨੇ ਜਗਮੀਤ ਸਿੰਘ ਵਲੋਂ ਟਰੂਡੋ ਤੋਂ ਸਮਰਥਨ ਵਾਪਸ ਲਏ ਜਾਣ ਨੂੰ ਮੀਡੀਆ ਸਟੰਟ ਕਰਾਰ ਦਿੱਤਾ ਹੈ। ਪੋਲੀਵਰੇ ਨੇ ਕਿਹਾ ਕਿ ਦੋ ਸਾਲ ਪਹਿਲਾਂ ਵਕਕਰ ਦੇ ਹਿੱਤਾਂ ਨੂੰ ਛਿਕੇ ਟੰਗ ਕੇ ਲਿਬਰਲਸ ਨਾਲ ਸਮਝੌਤਾ ਕਰਨ ਵਾਲੇ ਸਿੰਘ ਨੇ ਅੱਜ ਸਿਰਫ ਸੁਰਖੀਆਂ ਬਟੋਰੀਆਂ ਹਨ, ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਐੱਨਡੀਪੀ ਪਹਿਲੇ ਮੌਕੇ ’ਤੇ ਕਾਰਬਨ ਟੈਕਸ ਇਲੈਕਸ਼ਨ ਲਈ ਅਵਿਸ਼ਵਾਸ ਮਤੇ ਦੇ ਸਮਰਥਨ ਵਿਚ ਵੋਟ ਕਰੇਗੀ ਜਾਂ ਨਹੀਂ।

ਪੋਲੀਵਰੇ ਨੇ ਕਿਹਾ ਕਿ ਜਗਮੀਤ ਸਿੰਘ ਨੇ ਕਾਰਬਨ ਟੈਕਸ ਨੂੰ ਚੌਗੁਣਾ ਕਰਨ ਲਈ ਟਰੂਡੋ ਦਾ ਸਾਥ ਦਿੱਤਾ, ਜਿਸ ਨਾਲ ਨਾ ਸਿਰਫ ਕੈਨੇਡੀਅਨ ਫੂਡ ਬੈਂਕਸ ਦਾ ਆਸਰਾ ਲੈਣ ਲਈ ਮਜਬੂਰ ਹੋਣਗੇ ਸਗੋਂ ਆਰਥਿਕਤਾ ਵੀ ਠੱਪ ਹੋਵੇਗੀ ਜਿਸ ਨਾਲ ਹਜ਼ਾਰਾਂ ਨੌਕਰੀਆਂ ਤਬਾਹ ਹੋਣਗੀਆਂ।

ਕੰਜ਼ਰਵੇਟਿਵ ਲੀਡਰ ਨੇ ਕਿਹਾ ਕਿ ਕੈਨੇਡੀਅਨ ਬਿਨਾਂ ਦੇਰੀ ਜਲਦ ਤੋਂ ਜਲਦ ਇਲੈਕਸ਼ਨ ਚਾਹੁੰਦੇ ਹਨ, ਉਹ ਐੱਨਡੀਪੀ ਲਿਬਰਲਸ ਦੇ ਇਸ ਮਹਿੰਗੇ ਗਠਜੋੜ ਵਿਚ ਹੋਏ ਫੈਸਲਿਆਂ ਨੂੰ ਹੋਰ ਬਰਦਾਸ਼ਤ ਨਹੀਂ ਕਰ ਸਕਦੇ।