ਪੌਲੀਐਵ ਨੇ ਜਾਰੀ ਕੀਤਾ $100 ਬਿਲੀਅਨ ਖ਼ਰਚ ਵਾਲਾ ਚੋਣ ਪਲੇਟਫਾਰਮ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਆਪਣੀ ਪਾਰਟੀ ਦਾ ਲਗਭਗ $100 ਬਿਲੀਅਨ ਖ਼ਰਚ ਵਾਲਾ ਚੋਣ ਪਲੇਟਫਾਰਮ ਜਾਰੀ ਕਰ ਦਿੱਤਾ ਹੈ। ਇਸ ਵਿਚ $57,000 ਦੀ ਸਾਲਾਨਾ ਤਨਖਾਹ ਲੈਣ ਵਾਲੇ ਕੈਨੇਡੀਅਨਾਂ ਲਈ ਇਨਕਮ ਟੈਕਸ ਵਿਚ 15 ਫੀਸਦੀ ਦੀ ਕਟੌਤੀ ਵੀ ਸ਼ਾਮਲ ਹੈ। ਪੌਲੀਐਵ ਨੇ ਓਨਟਾਰੀਓ ਵਿਚ ਇਸ ਦੀ ਘੋਸ਼ਣਾ ਦੌਰਾਨ ਕਿਹਾ ਕਿ ਇਨਕਮ ਟੈਕਸ ਵਿਚ ਕਟੌਤੀ ਨਾਲ ਔਸਤ ਵਰਕਿੰਗ ਪਰਿਵਾਰਾਂ ਨੂੰ ਲਗਭਗ 2 ਹਜ਼ਾਰ ਡਾਲਰ ਤੱਕ ਦੀ ਬਚਤ ਹੋਵੇਗੀ।

ਪੌਲੀਐਵ ਨੇ ਇਹ ਵੀ ਘੋਸ਼ਣਾ ਕੀਤੀ ਕਿ ਪ੍ਰਧਾਨ ਮੰਤਰੀ ਦੇ ਰੂਪ ਵਿਚ ਉਹ ਕੈਨੇਡੀਅਨ ਕੰਪਨੀਆਂ ਵਿਚ ਨਿਵੇਸ਼ ਕਰਨ ਵਾਲੇ ਕੈਨੇਡੀਅਨਾਂ ਨੂੰ ਟੈਕਸ-ਮੁਕਤ ਬਚਤ ਖਾਤੇ ਵਿਚ $5,000 ਵਾਧੂ ਜਮ੍ਹਾ ਕਰਨ ਦੀ ਇਜਾਜ਼ਤ ਦੇਣਗੇ।

ਇਸ ਦੇ ਨਾਲ ਹੀ ਉਹਨਾਂ ਪੂੰਜੀਗਤ ਲਾਭ ਟੈਕਸ ਵਾਧੇ ਨੂੰ ਰੱਦ ਕਰਨ ਅਤੇ ਨਵੇਂ ਘਰਾਂ 'ਤੇ ਜੀਐਸਟੀ ਨੂੰ ਖਤਮ ਦੀ ਗੱਲ ਆਖੀ। ਇਸ ਤੋਂ ਇਲਾਵਾ ਉਹਨਾਂ ਕਾਰਨੀ ਦੇ ਬਜਟ ਪਲੈਨ ਦੀ ਤਰ੍ਹਾਂ ਮਿਲਟਰੀ ਖ਼ਰਚ ਵਿਚ ਭਾਰੀ ਵਾਧੇ ਦੀ ਵੀ ਘੋਸ਼ਣਾ ਕੀਤੀ। ਕੰਜ਼ਰਵੇਟਿਵ ਨੇ ਅਗਲੇ 4 ਸਾਲਾਂ ਵਿਚ ਹਥਿਆਰਬੰਦ ਬਲਾਂ 'ਤੇ $17 ਬਿਲੀਅਨ ਖ਼ਰਚ ਕੀਤੇ ਜਾਣ ਦੀ ਵਚਨਬੱਧਤਾ ਪ੍ਰਗਟਾਈ ਹੈ।