15.92C Vancouver 15.92C VancouverJan 5, 2023 11:15 PM - Connect News
ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਵੱਲੋਂ ਲੋਕਾਂ ਨੂੰ ਇੱਕ ਕਾਰ ਕਰੈਸ਼ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।
ਕਥਿਤ ਤੌਰ 'ਤੇ 31 ਦਿਸੰਬਰ ਦੀ ਸ਼ਾਮ ਕਰੀਬ 7.30 ਵਜੇ ਪੁਲਿਸ ਨੇ ਇੱਕ ਕਾਲੇ ਰੰਗ ਦੀ ਲੈਂਡ ਰੋਵਰ ਗੱਡੀ ਨੂੰ ਈਸਟ 19 ਸਟ੍ਰੀਟ ਅਤੇ ਗਰੈਂਡ ਬੁਲੇਵਾਰਡ ਈਸਟ ਕੋਲ ਅਜਿਹੇ ਢੰਗ ਨਾਲ ਜਾਂਦੇ ਵੇਖਿਆ ਕਿ ਉਸ ਨੂੰ ਰੋਕਣਾ ਜ਼ਰੂਰੀ ਸਮਝਿਆ।
ਅਫਸਰਾਂ ਨੇ ਗੱਡੀ ਨੂੰ ਟਰੈਫਿਕ ਸਟੌਪ ਆਸਰੇ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਕਥਿਤ ਤੌਰ 'ਤੇ ਗੱਡੀ ਦੌੜਾ ਲਈ ਗਈ ਅਤੇ ਮੌਕੇ ਤੋਂ ਤੇਜ਼ ਰਫਤਾਰ 'ਤੇ ਨਿਕਲ ਗਈ।
ਪਬਲਿਕ ਸੇਫਟੀ ਲਈ ਖਤਰਾ ਸਮਝਦਿਆਂ ਅਫਸਰਾਂ ਨੇ ਗੱਡੀ ਦਾ ਪਿੱਛਾ ਨਹੀਂ ਕੀਤਾ।
ਕੁਝ ਹੀ ਸਮੇਂ ਬਾਅਦ ਪੁਲਿਸ ਨੂੰ ਰਿਪੋਰਟ ਮਿਲੀ ਕਿ ਇੱਕ ਕਾਲੇ ਰੰਗ ਦੀ ਲੈਂਡ ਰੋਵਰ ਗੱਡੀ ਵੈਸਟਵਿਊ ਡਰਾਈਵ ਕੋਲ ਇੱਕ ਦਰਖਤ ਨਾਲ ਟਕਰਾ ਗਈ ਹੈ।
ਅਫਸਰਾਂ ਦੇ ਮੌਕੇ 'ਤੇ ਪਹੁੰਚਣ ਤੱਕ ਚਾਲਕ ਮੌਕੇ ਤੋਂ ਨਿਕਲ ਗਿਆ ਸੀ ਅਤੇ ਉਸ ਦੀ ਭਾਲ ਲਈ ਡੌਗ ਸਰਵਿਸਿਸ ਅਤੇ ਆਰ.ਸੀ.ਐਮ.ਪੀ. ਏਅਰ 1 ਦੀ ਵੀ ਮਦਦ ਲਈ ਗਈ ਅਤੇ ਸ਼ੱਕੀ ਚਾਲਕ ਨੂੰ ਕੁਝ ਦੂਰੀ 'ਤੇ ਲੋਕੇਟ ਕਰ ਲਿਆ ਗਿਆ ਅਤੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਪੁਲਿਸ ਨੇ ਦੱਸਿਆ ਕਿ ਚਾਲਕ ਦੀ ਉਮਰ 61 ਸਾਲ ਹੈ ਅਤੇ ਵੈਸਟ ਵੈਨਕੂਵਰ ਤੋਂ ਵਾਸਤਾ ਰੱਖਦਾ ਹੈ।
ਇਸ ਚਾਲਕ 'ਤੇ ਸਾਹ ਦਾ ਸੈਂਪਲ ਨਾ ਦੇਣ, ਮੋਟਰ ਵਾਹਨ ਦੇ ਖਤਰਨਾਕ ਐਕਸ਼ਨ ਅਤੇ ਪੁਲਿਸ ਤੋਂ ਦੌੜਨ ਸੰਬੰਧੀ ਦੋਸ਼ ਲੱਗੇ ਹਨ।
ਪੁਲਿਸ ਨੇ ਕਿਹਾ ਕਿ ਚਾਲਕ ਨੂੰ ਕਾਬੂ ਜ਼ਰੂਰ ਕਰ ਲਿਆ ਗਿਆ ਹੈ ਪਰ ਸਬੂਤ ਇਕੱਤਰ ਕਰਨ ਦੀ ਪ੍ਰੀਕਿਰਿਆ ਜਾਰੀ ਹੈ ਅਤੇ ਇਸੇ ਤਹਿਤ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਮਾਮਲੇ ਸੰਬੰਧੀ ਕਿਸੇ ਕੋਲ ਕੋਈ ਜਾਣਕਾਰੀ ਜਾਂ ਕੋਈ ਫੁਟੇਜ ਹੋਵੇ ਤਾਂ ਦੱਸਿਆ ਜਾਵੇ।
