15.94C Vancouver 15.94C VancouverAug 3, 2022 7:19 PM - The Canadian Press
ਇੱਕ ਹੈਰਾਨੀ ਭਰੀ ਘਟਨਾ ਦੌਰਾਨ ਅੱਜ ਔਟਵਾ 'ਚ ਪਾਰਲੀਅਮੈਂਟ ਹਿੱਲ ਨਾਲ ਸੰਬੰਧਤ ਵਾਹਨਾਂ ਦੇ ਟਕਰਾਉਣ ਦੀਆਂ 2 ਘਟਨਾਵਾਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਔਟਵਾ ਪੁਲਿਸ ਦਾ ਕਹਿਣਾ ਹੈ ਕਿ ਪਹਿਲੀ ਘਟਨਾ 'ਚ ਇੱਕ ਵਾਹਨ ਚਾਲਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਔਟਵਾ ਪੁਲਿਸ ਅਨੁਸਾਰ ਇੱਕ ਅਣਅਧਿਕਾਰਤ ਵਾਹਨ ਨੂੰ ਅੱਜ ਤੜਕੇ ਪਾਰਲੀਅਮੈਂਟ ਹਿੱਲ ਦੇ ਗੇਟ 'ਚ ਦਾਖਿਲ ਕਰ ਦਿੱਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਤੜਕੇ ਕਰੀਬ 3.30 ਵਜੇ ਇੱਕ ਵਾਹਨ ਗੇਟ 'ਚ ਟਕਰਾਇਆ ਅਤੇ ਫਿਰ ਸਿਕਿਉਰਿਟੀ ਨੇ ਵਾਹਨ ਨੂੰ ਗਰਾਊਂਡਸ 'ਚ ਦਾਖਿਲ ਹੋਣ ਤੋਂ ਰੋਕਿਆ।
ਇਸ ਮਾਮਲੇ 'ਚ ਫਿਲ ਕੋਈ ਅਪਰਾਧਿਕ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
ਹਾਲਾਂਕਿ ਇਸ ਤੋਂ ਬਾਅਦ ਅੱਜ ਅਵੇਰ ਕਰੀਬ 9 ਵਜੇ ਇੱਕ ਟੂਰ ਬੱਸ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਨਿਵਾਸ ਦੇ ਨੇੜੇ ਗੇਟ ਦੇ ਨਾਲ ਜਾ ਟਕਰਾਈ।
ਹਾਲਾਂਕਿ ਦੋਵਾਂ ਮਾਮਲਿਆਂ ਨੂੰ ਇੱਕ-ਦੂਜੇ ਨਾਲ ਸੰਬੰਧਤ ਨਹੀਂ ਦੱਸਿਆ ਗਿਆ ਹੈ।
ਇਸ ਮਾਮਲੇ 'ਚ ਕਿਸੇ ਦੀ ਗ੍ਰਿਫਤਾਰੀ ਜਾਂ ਕਿਸੇ 'ਤੇ ਦੋਸ਼ ਤੈਅ ਕਰਨ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਇਸ ਬੱਸ ਦੇ ਆਪ੍ਰੇਟਰ ਲੇਡੀ ਡਾਈਵੀ ਟੂਰਸ ਦਾ ਕਹਿਣਾ ਹੈ ਕਿ ਇਹ ਬੱਸ ਸਸੈਕਸ ਡਰਾਈਵ ਦੇ ਨੇੜੇ ਆਪਰੇਟ ਕਰਦੀ ਹੈ ਅਤੇ ਕਈ ਅਹਿਮ ਥਾਵਾਂ ਕੋਲ ਰੁਕਦੀ ਹੈ ਜਿਸ 'ਚ ਪ੍ਰਧਾਨ ਮੰਤਰੀ ਦਾ ਨਿਵਾਸ ਵੀ ਸ਼ਾਮਿਲ ਹੈ।
