ਕੈਲਗਰੀ ਦੇ ਇੱਕ ਵਿਅਕਤੀ 'ਤੇ ਸਟੈਂਪੀਡ ਵਿੱਚ ਚਾਕੂ ਮਾਰਨ ਦਾ ਲਗਾਇਆ ਗਿਆ ਦੋਸ਼

ਕੈਲਗਰੀ ਦੇ ਇੱਕ ਵਿਅਕਤੀ 'ਤੇ ਸਟੈਂਪੀਡ ਵਿੱਚ ਚਾਕੂ ਮਾਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਹਮਲੇ ਵਿੱਚ 3 ਲੋਕ ਜ਼ਖ਼ਮੀ ਹੋ ਗਏ ਸਨ। ਚਾਕੂ ਮਾਰਨ ਦੀ ਇਹ ਘਟਨਾ 8 ਜੁਲਾਈ ਨੂੰ ਰਾਤ 11 ਵਜੇ ਤੋਂ ਬਾਅਦ ਯੂਰੋਸਲਾਈਡ ਦੇ ਨੇੜੇ ਵਾਪਰੀ ਸੀ। ਪੁਲਿਸ ਇੱਕ ਵਿਅਕਤੀ ਨੂੰ ਲੱਭਣ ਲਈ ਪਹੁੰਚੀ ਜੋ ਜ਼ਖਮੀ ਸੀ। ਉਸ ਨੂੰ ਗੰਭੀਰ ਪਰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।

ਇਸ ਤੋਂ ਬਾਅਦ ਪੁਲਿਸ ਨੂੰ 17 ਐਵੇਨਿਊ ਅਤੇ ਮੈਕਲਿਓਡ ਟ੍ਰੇਲ ਐਸ.ਈ. ਦੇ ਨੇੜੇ ਇੱਕ ਨੌਜਵਾਨ ਮਿਲਿਆ, ਜਦੋਂ ਕਿ ਇੱਕ ਆਦਮੀ ਏਰਲਟਨ ਸਟਰੀਟ ਅਤੇ 27 ਐਵੇਨਿਊ ਐਸ.ਡਬਲਯੂ. ਦੇ ਨੇੜੇ ਜ਼ਖ਼ਮੀ ਹਾਲਤ ਵਿੱਚ ਮਿਲਿਆ ਮਿਲਿਆ। ਜਾਂਚਕਰਤਾਵਾਂ ਮੁਤਾਬਕ ਇਹ ਤਿੰਨੋਂ ਪੀੜਤ ਇੱਕ ਘਟਨਾ ਨਾਲ ਸਬੰਧਤ ਸਨ।

ਪੁਲਿਸ ਦਾ ਕਹਿਣਾ ਹੈ ਕਿ ਮੰਗਲਵਾਰ ਨੂੰ ਇੱਕ ਸ਼ੱਕੀ ਦੇ ਕੈਲਗਰੀ ਸਥਿਤ ਘਰ 'ਤੇ ਇੱਕ ਸਰਚ ਵਾਰੰਟ ਜਾਰੀ ਕੀਤਾ ਗਿਆ ਸੀ, ਤਲਾਸ਼ੀ ਦੌਰਾਨ ਅਧਿਕਾਰੀਆਂ ਨੇ ਇੱਕ ਫੋਲਡਿੰਗ ਚਾਕੂ ਅਤੇ ਕੱਪੜੇ ਜ਼ਬਤ ਕੀਤੇ, ਜੋ ਘਟਨਾ ਦੇ ਸਮੇਂ ਸ਼ੱਕੀ ਵਲੋਂ ਪਾਏ ਅਤੇ ਵਰਤੇ ਗਏ ਸਨ। 18 ਸਾਲਾ ਇਰਫਾਨ ਮੁਹੰਮਦੀ 'ਤੇ ਤਿੰਨ ਗੰਭੀਰ ਹਮਲੇ ਦੇ ਦੋਸ਼ ਲਗਾਏ ਗਏ ਹਨ। ਉਸ ਨੂੰ 2 ਸਤੰਬਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।