14.2C Vancouver 14.2C VancouverJul 9, 2020 7:45 PM -
ਕੈਨੇਡਾ ਦੇ ਪੁਲਿਸ ਚੀਫ਼ਜ਼, ਨਸ਼ਿਆਂ ਦੀ ਦੁਰਵਰਤੋਂ ਅਤੇ ਲਤ ਨਾਲ ਨਜਿੱਠਣ ਦੇ ਸਭ ਤੋਂ ਵਧੀਆ ਤਰੀਕੇ ਵਜੋਂ ਗੈਰ-ਕਾਨੂੰਨੀ ਡਰੱਗਾਂ ਦੇ ਨਿੱਜੀ ਕਬਜ਼ੇ ਨੂੰ ਡਿਕ੍ਰਿਮਿਨਲਾਈਜ਼ ਕਰਨ ਦੀ ਮੰਗ ਕਰ ਰਹੇ ਹਨ।
ਕੈਨੇਡੀਅਨ ਐਸੋਸੀਏਸ਼ਨ ਔਫ਼ ਚੀਫ਼ਜ਼ ਔਫ਼ ਪੁਲੀਸ ਲੋਕਾਂ ਨੂੰ ਅਪਰਾਧਕ ਨਿਆਂ ਪ੍ਰਣਾਲੀ ਤੋਂ ਦੂਰ ਕਰਨ ਲਈ ਸਿਹਤ ਸੰਭਾਲ, ਇਲਾਜ ਅਤੇ ਸਮਾਜਕ ਸੇਵਾਵਾਂ ਤੱਕ ਵਧੀ ਹੋਈ ਪਹੁੰਚ ਦੀ ਤਜਵੀਜ਼ ਕਰ ਰਹੀ ਹੈ।
ਇਹ ਉਹਨਾਂ ਲੋਕਾਂ 'ਤੇ ਲਾਗੂ ਹੋਵੇਗਾ ਜਿੰਨ੍ਹਾਂ ਕੋਲ ਨਿੱਜੀ ਖਪਤ ਵਾਸਤੇ ਥੋੜ੍ਹੀ ਜਿਹੀ ਮਾਤਰਾ ਵਿੱਚ ਗੈਰ-ਕਾਨੂੰਨੀ ਡਰੱਗ ਹਨ।
ਐਸੋਸੀਏਸ਼ਨ ਦੇ ਪ੍ਰਧਾਨ ਐਡਮ ਪਾਮਰ ਦਾ ਕਹਿਣਾ ਹੈ ਕਿ ਕੈਨੇਡਾ ਫੈਂਟਾਨਿਲ ਦੇ ਸੰਕਟ ਅਤੇ ਜ਼ਹਿਰੀਲੇ ਡਰੱਗਾਂ ਦੀ ਸਪਲਾਈ ਨਾਲ ਜੂਝ ਰਿਹਾ ਹੈ ਜਿਸ ਨੇ ਭਾਈਚਾਰਿਆਂ ਨੂੰ ਤਬਾਹ ਕਰ ਦਿੱਤਾ ਹੈ ਅਤੇ ਹਜ਼ਾਰਾਂ ਜਾਨਾਂ ਲੈ ਲਈਆਂ ਹਨ।
ਚੀਫ਼ਜ਼ ਵੱਲੋਂ ਇੱਕ ਏਕੀਕਿਰਤ ਸਿਹਤ-ਕੇਂਦਰਿਤ ਨੀਤੀ ਦੀ ਸਿਫ਼ਾਰਸ਼ ਕੀਤੀ ਜਾ ਰਹੀ ਹੈ ਜਿਸ ਵਾਸਤੇ ਪੁਲਿਸ, ਸਿਹਤ-ਸੰਭਾਲ ਸੇਵਾਵਾਂ ਅਤੇ ਸਰਕਾਰ ਦੇ ਸਾਰੇ ਪੱਧਰਾਂ ਵਿਚਕਾਰ ਭਾਈਵਾਲੀਆਂ ਦੀ ਲੋੜ ਹੈ।
