14.09C Vancouver 14.09C VancouverJul 5, 2022 12:19 AM - The Canadian Press
ਅੱਜ ਸ਼ਿਕਾਗੋ ਦੇ ਇਲਾਕੇ ਹਾਈਲੈਂਡ ਪਾਰਕ 'ਚ ਵਾਪਰੀ ਮਾਸ ਸ਼ੂਟਿੰਗ ਦੀ ਵਾਰਦਾਤ ਦੇ ਮਾਮਲੇ 'ਚ ਇੱਕ ਪਰਸਨ ਆਫ ਇੰਟ੍ਰਸਟ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮਾਮਲੇ 'ਚ 22 ਸਾਲਾ ਰੌਬਰਟ ਈ. ਕਰੀਮੋ III ਦੀ ਭਾਲ ਕਰ ਲਈ ਗਈ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਉਹ 2010 ਮਾਡਲ ਦੀ ਚਾਂਦੀ ਰੰਗੀ ਹੌਂਡਾ ਫਿਟ ਗੱਡੀ 'ਚ ਸਵਾਰ ਸੀ।
ਇਸ ਗੱਡੀ ਦੀ ਇਲੀਨਾਏ ਲਾਈਸੈਂਸ ਪਲੇਟ ਦਾ ਨੰਬਰ DM80653 ਦੱਸਿਆ ਗਿਆ ਹੈ।
ਅਧਿਕਾਰੀਆਂ ਵੱਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਘਟਨਾ 'ਚ ਮਾਰੇ ਗਏ ਸਾਰੇ ਲੋਕ ਐਡਲਟ ਦੱਸੇ ਗਏ ਹਨ।
ਵਾਰਦਾਤ 'ਚ ਘਟੋ-ਘੱਟ 6 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ ਘਟੋ-ਘੱਟ 31 ਲੋਕਾਂ ਨੂੰ ਹਸਪਤਾਲ ਪਹੁੰਚਾਏ ਜਾਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਇਲਾਕੇ ਵਿੱਚ ਸ਼ੈਲਟਰ ਇਨ ਪਲੇਸ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
ਕੋਰੋਨਰ ਵਿਭਾਗ ਤੋਂ ਜੈਨੀਫਰ ਬੈਨਿਕ ਦਾ ਕਹਿਣਾ ਸੀ ਕਿ ਮੌਕੇ 'ਤੇ ਮ੍ਰਿਤ ਪਾਏ ਗਏ 5 ਲੋਕਾਂ ਦੀ ਪਛਾਣ ਕੀਤੀ ਜਾ ਚੁੱਕੀ ਹੈ।
ਹਾਲਾਂਕਿ ਫਿਲਹਾਲ ਇਨ੍ਹਾਂ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਜਾ ਰਹੀ।
ਜਾਣਕਾਰੀ ਅਨੁਸਾਰ ਇਹ ਪਰੇਡ ਸਥਾਨਿਕ ਸਮੇਂ ਅਨੁਸਾਰ ਸਵੇਰ ਕਰੀਬ 10 ਵਜੇ ਸ਼ੁਰੂ ਹੋਈ ਸੀ ਪਰ ਕਰੀਬ 10 ਮਿੰਟ ਬਾਅਦ ਹੀ ਗੋਲੀਆਂ ਚੱਲਣ ਦੀ ਆਵਾਜ਼ ਨਾਲ ਮੌਕੇ 'ਤੇ ਹਫੜਾ-ਤਫੜੀ ਦਾ ਮਾਹੌਲ ਬਣ ਗਿਆ।
ਲੋਕ ਜਿਵੇਂ-ਤਿਵੇਂ ਮੌਕੇ ਤੋਂ ਦੌੜਦੇ ਵਿਖਾਈ ਦਿੱਤੇ। ਹੁਣ ਤਕ ਦੀ ਜਾਣਕਾਰੀ ਅਨੁਸਾਰ ਗੋਲੀ ਇੱਕ ਉੱਚੀ ਇਮਾਰਤ ਤੋਂ ਚਲਾਈ ਗਈ ਮੰਨੀ ਜਾ ਰਹੀ ਹੈ।
ਇਲੀਨੌਏ ਦੇ ਗਵਰਨਰ ਜੇ.ਬੀ. ਪ੍ਰਿਟਜ਼ਕਰ ਨੇ ਕਿਹਾ ਕਿ ਇਸ ਘਟਨਾ ਨੇ ਇੰਡੀਪੈਂਡੈਂਸ ਡੇਅ ਦੇ ਜਸ਼ਨਾਂ ਨੂੰ ਮਾਤਮ 'ਚ ਬਦਲ ਦਿੱਤਾ ਹੈ।
