18.93C Vancouver 18.93C VancouverJun 8, 2022 12:22 AM - The Canadian Press
ਰਿਚਮੰਡ 'ਚ ਵਾਪਰੀ ਦੋਹਰੇ ਕਤਲ ਦੀ ਵਾਰਦਾਤ ਦੇ ਪੀੜਤਾਂ ਦੀ ਪਛਾਣ ਜਨਤਕ ਕੀਤੀ ਗਈ ਹੈ।
ਹੋਮੀਸਾਈਡ ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 2 ਯੁਵਕਾਂ ਦਾ ਕਤਲ ਕੀਤਾ ਗਿਆ ਸੀ ਜਿੰਨਾ ਬਾਰੇ ਪੁਲਿਸ ਕੋਲ ਪਹਿਲਾਂ ਤੋਂ ਜਾਣਕਾਰੀ ਸੀ।
ਪੀੜਤਾਂ ਦੀ ਪਛਾਣ 23 ਸਾਲਾ ਕੈਵਿਨ ਅਲਾਰਾਜ ਅਤੇ 22 ਸਾਲਾ ਜੀਵਨ ਸੈਪਨ ਵਜੋਂ ਹੋਈ ਹੈ।
ਸ਼ਨੀਵਾਰ ਨੂੰ ਸਵੇਰ ਦੇ ਸਮੇਂ ਕਰੀਬ 11 ਵਜੇ ਐਕਰੌਇਡ ਰੋਡ 'ਤੇ ਸਥਿਤ ਪਾਰਕੇਡ 'ਚ ਦੋਵਾਂ ਨੌਜਵਾਨਾਂ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ।
ਦੋਵਾਂ ਯੁਵਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਸੀ।
ਅਧਿਕਾਰੀਆਂ ਨੇ ਅੱਜ ਪੀੜਤਾਂ ਦੀ ਤਸਵੀਰ ਅਤੇ ਪਛਾਣ ਜਨਤਕ ਕਰਦੇ ਹੋਏ ਲੋਕਾਂ ਨੂੰ ਅਪੀਲ ਕੀਤੀ ਕਿ ਕਿਸੇ ਕੋਲ ਪੀੜਤਾਂ ਬਾਰੇ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕੀਤੀ ਜਾਵੇ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦਾ ਕਹਿਣਾ ਹੈ ਕਿ ਦੋਵਾਂ ਪੀੜਤਾਂ ਨਾਲ ਸੰਬੰਧਤ ਹੁਣ ਤਕ ਦੀ ਜਾਂਚ 'ਚ ਹਮਲੇ ਨੂੰ ਟਾਰਗੈਟਿਡ ਹਮਲਾ ਮੰਨਿਆ ਜਾ ਰਿਹਾ ਹੈ।
ਵਾਰਦਾਤ ਨੂੰ ਗੈਂਗ ਸੰਬੰਧਤ ਮੰਨਿਆ ਜਾ ਰਿਹਾ ਹੈ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਸਰੀ 'ਚ 114 ਸਟ੍ਰੀਟ ਅਤੇ 96ਏ ਐਵੀਨਿਊ ਦੇ ਕੋਲ ਸ਼ਨੀਵਾਰ ਨੂੰ ਸਵੇਰ ਕਰੀਬ 11.30 ਵਜੇ ਇੱਕ ਗੱਡੀ ਅੱਗ ਦੇ ਹਵਾਲੇ ਕੀਤੀ ਮਿਲੀ ਸੀ।
