17.53C Vancouver 17.53C VancouverMar 25, 2025 1:41 PM - The Canadian Press
ਮਿਸ਼ਨ ਵਿਚ ਇੱਕ ਪੰਜ ਸਾਲਾ ਲੜਕੀ ਦੇ ਫੈਂਟਾਨਾਇਲ ਨਸ਼ੇ ਦੇ ਸੰਪਰਕ ਵਿਚ ਆਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ,ਜਿਸ ਨਾਲ ਉਸ ਦੀ ਹਾਲਤ ਤੇਜ਼ੀ ਨਾਲ ਵਿਗੜ ਗਈ ਅਤੇ ਮੌਜੂਦਾ ਸਮੇਂ ਉਹ ਹਸਪਤਾਲ ਵਿਚ ਠੀਕ ਹੋ ਰਹੀ ਹੈ। ਮਿਸ਼ਨ ਆਰ.ਸੀ.ਐਮ.ਪੀ. ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਐਮਰਜੈਂਸੀ ਰਿਸਪਾਂਡਰ ਨੂੰ ਨੌਟਮੈਨ ਸਟ੍ਰੀਟ ਦੇ ਇੱਕ ਘਰ ਤੋਂ ਰਾਤ 9 ਵਜੇ ਦੇ ਕਰੀਬ ਲੜਕੀ ਦੀ ਫੈਂਟਾਨਾਇਲ ਨਾਲ ਹਾਲਤ ਵਿਗੜਨ ਦੀ ਸੂਚਨਾ ਮਿਲੀ,ਜਦੋਂ ਮੌਕੇ 'ਤੇ ਅਧਿਕਾਰੀ ਪਹੁੰਚੇ ਤਾਂ ਲੜਕੀ ਬੇਹੋਸ਼ ਸੀ ਅਤੇ ਉਸ ਨੂੰ ਸੀ.ਪੀ.ਆਰ.ਦਿੱਤੀ ਜਾ ਰਹੀ ਸੀ।
ਪੁਲਿਸ ਮੁਤਾਬਕ,ਲੜਕੀ ਦੇ ਹੱਥ ਗਲਤੀ ਨਾਲ ਫੈਂਟਾਨਾਇਲ ਦਾ ਜਾਰ ਲੱਗ ਗਿਆ ਸੀ। ਪੁਲਿਸ ਨੇ ਕਿਹਾ ਕਿ ਲੜਕੀ ਦੀ ਹਾਲਤ ਵਿਚ ਸੁਧਾਰ ਹੋਇਆ ਹੈ ਅਤੇ ਉਸ ਦੇ ਠੀਕ ਹੋਣ ਦੀ ਉਮੀਦ ਹੈ। ਉਹ ਰਾਤ ਭਰ ਹਸਪਤਾਲ ਵਿਚ ਹੀ ਸੀ। ਮਿਸ਼ਨ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਨੌਟਮੈਨ ਸਟ੍ਰੀਟ ਦੇ ਘਰ ਵਿਚ ਹੋਈ ਇਸ ਘਟਨਾ ਦੀ ਜਾਂਚ ਅਜੇ ਵੀ ਜਾਰੀ ਹੈ।
