19.7C Vancouver 19.7C VancouverSep 18, 2020 10:09 PM -
ਨਨਾਈਮੋ 'ਚ ਪੁਲਿਸ ਵੱਲੋਂ ਇੱਕ 70 ਸਾਲਾ ਦੱਖਣ ਏਸ਼ਿਆਈ ਮੂਲ ਦੇ ਵਿਅਕਤੀ 'ਤੇ ਹਮਲੇ ਦੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ ਇੱਕ ਪਾਰਕਿੰਗ ਲੌਟ 'ਚ ਵਾਪਰੀ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਵਿਅਕਤੀ 'ਤੇ ਇੰਨੇ ਜ਼ੋਰ ਨਾਲ ਮੁੱਕਾ ਦਾ ਵਾਰ ਕੀਤਾ ਗਿਆ ਸੀ ਕਿ ਉਸ ਦੀ ਪੱਗ ਸਿਰ ਤੋਂ ਲੱਥ ਗਈ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਕਰੀਬ ਇੱਕ ਮਹੀਨਾ ਪਹਿਲਾਂ ਦਾ ਹੈ।
ਆਰ.ਸੀ.ਐਮ.ਪੀ. ਅਨੁਸਾਰ ਪੀੜਤ ਵਿਅਕਤੀ ਨੇ ਇੱਕ ਹੈਂਡੀਕੈਪ ਪਾਰਕਿੰਗ 'ਚ ਗੱਡੀ ਲਗਾਈ ਸੀ, ਕਿਉਂਕਿ ਉਨ੍ਹਾਂ ਦੀ ਪਤਨੀ ਨੂੰ ਫਿਜ਼ੀਕਲ ਡਿਸਐਬਿਲਿਟੀ ਸੀ।
ਇੱਕ ਵਿਅਕਤੀ ਨੇ ਇਸ ਦਾ ਬੁਰਾ ਮੰਨਿਆ ਅਤੇ ਵਿਅਕਤੀ 'ਤੇ ਹਮਲਾ ਕਰ ਦਿੱਤਾ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਦੇ ਨਸਲੀ ਹਮਲਾ ਹੋਣ ਦੇ ਆਸਾਰ ਨਹੀਂ ਜਾਪਦੇ ਹਨ, ਅਤੇ ਮਾਮਲੇ 'ਚ ਇੱਕ ਕੌਕੇਸ਼ੀਅਨ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।
