17.9C Vancouver 17.9C VancouverMar 21, 2025 7:43 PM - The Canadian Press
ਵੈਨਕੂਵਰ ਦੇ ਕਿਟਸੀਲਾਨੋ ਵਿਚ ਟੇਸਲਾ ਡੀਲਰਸ਼ਿਪ ਨੂੰ ਦੇਰ ਰਾਤ ਸਪਰੇਅ-ਪੇਂਟ ਨਾਲ ਟਾਰਗੇਟ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ 2025 ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਦੀ 8ਵੀਂ ਘਟਨਾ ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਦੇਰ ਰਾਤ 1.30 ਵਜੇ ਦੇ ਕਰੀਬ ਬੁਰਾਰਡ ਸਟ੍ਰੀਟ ਨੇੜੇ ਵੈਸਟ 4th ਐਵੇਨਿਊ 'ਤੇ ਟੇਸਲਾ ਡੀਲਰਸ਼ਿਪ ਨੂੰ ਨਿਸ਼ਾਨਾ ਬਣਾਏ ਜਾਣ ਦੀ ਸੂਚਨਾ ਮਿਲੀ, ਸ਼ੱਕੀ ਵਲੋਂ ਡੀਲਰਸ਼ਿਪ ਦੀ ਸਾਹਮਣੇ ਵਾਲੀ ਖਿੜਕੀ 'ਤੇ ਬਹੁਤ ਹੀ ਅਪਮਾਨਜਨਕ ਸ਼ਬਦ ਸਪਰੇਅ-ਪੇਂਟ ਨਾਲ ਲਿਖੇ ਗਏ ਸਨ।
ਰਿਪੋਰਟਸ ਮੁਤਾਬਕ, ਇਸ ਵਿਚ ਈਲੋਨ ਮਸਕ ਨੂੰ ਗਾਲ੍ਹ ਕੱਢੀ ਗਈ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ 27 ਸਾਲਾ ਵਿਅਕਤੀ ਨੂੰ ਹਿਰਾਸਤ ਵਿਚ ਲੈਣ ਮਗਰੋਂ ਰਿਹਾਅ ਕੀਤਾ ਗਿਆ ਹੈ ਅਤੇ ਉਸ ਨੂੰ 15 ਮਈ ਨੂੰ ਅਦਾਲਤ ਵਿਚ ਵਾਪਸ ਪੇਸ਼ ਹੋਣ ਦਾ ਨਿਰਦੇਸ਼ ਦਿੱਤਾ ਗਿਆ ਹੈ।
ਪੁਲਿਸ ਵਲੋਂ ਉਸ 'ਤੇ ਸ਼ਰਾਰਤ ਦੇ ਚਾਰਜ ਲਗਾਏ ਗਏ ਹਨ, ਜਿਸ ਤਹਿਤ ਮਾਮਲੇ ਦੀ ਗੰਭੀਰਤਾ ਦੇ ਆਧਾਰ 'ਤੇ ਜੁਰਮਾਨੇ ਅਤੇ ਪ੍ਰੋਬੇਸ਼ਨ ਤੋਂ ਲੈ ਕੇ ਜੇਲ੍ਹ ਤੱਕ ਭੇਜਣ ਦੀ ਵਿਵਸਥਾ ਹੈ।
