11.82C Vancouver 11.82C VancouverFeb 18, 2022 1:23 AM - Connect News
ਐਬਟਸਫੋਰਡ 'ਚ ਅੱਜ 2 ਸਕੂਲਾਂ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਅੱਜ ਸਵੇਰੇ ਕਰੀਬ 8.35 ਵਜੇ ਕੋਲੀਨ ਅਤੇ ਗੌਰਡੀ ਹਾਓ ਤੋਂ ਸਕੂਲ ਪ੍ਰਸ਼ਾਸਨ ਨੇ ਸੰਪਰਕ ਕੀਤਾ ਸੀ।
ਸਕੂਲ 'ਚ ਬੰਬ ਰੱਖਣ ਸੰਬੰਧੀ ਧਮਕੀ ਦਿੱਤੀ ਗਈ ਸੀ।
ਧਮਕੀ ਦੀ ਗੰਭੀਰਤਾ ਨੂੰ ਵੇਖਦੇ ਹੋਏ ਸਕੂਲ ਨੂੰ ਤੁਰੰਤ ਲੌਕਡਾਊਨ ਕਰ ਦਿੱਤਾ ਗਿਆ ਸੀ।
ਇਸ ਸਕੂਲ ਦੇ ਨੇੜੇ ਸਥਿਤ ਡਬਲਿਊ.ਜੇ. ਮਾਉਤ ਸੈਕੰਡਰੀ ਨੂੰ ਵੀ ਸਾਵਧਾਨੀ ਵਰਤਦੇ ਹੋਏ ਸ਼ੈਲਟਰ ਇਨ ਪਲੇਸ ਦੇ ਨਿਰਦੇਸ਼ 'ਤੇ ਰੱਖ ਦਿੱਤਾ ਗਿਆ ਸੀ।
ਪੁਲਿਸ ਨੇ ਕੌਲੀਨ ਅਤੇ ਗੌਰਡੀ ਹਾਓ ਦੇ ਵਿਦਿਆਰਥੀਆਂ ਨੂੰ ਕੰਟਰੋਲਡ ਘੰਗ ਨਾਲ ਸਕੂਲ ਤੋਂ ਬਾਹਰ ਕੱਢਿਆ ਸੀ।
ਮੌਕੇ 'ਤੇ ਫਾਇਰ ਟੀਮਾਂ ਅਤੇ ਬੀ.ਸੀ. ਐਂਬੂਲੈਂਸ ਨੇ ਵੀ ਪਹੁੰਚ ਕੀਤੀ ਸੀ।
ਇਸ ਤੋਂ ਬਾਅਦ ਲੋਅਰ ਮੇਨਲੈਂਡ ਇੰਟੈਗ੍ਰੇਟਿਡ ਪੁਲਿਸ ਡੌਗ ਸਰਵਿਸ ਦੀ ਮਦਦ ਨਾਲ ਸਕੂਲ 'ਚ ਜਾਂਚ ਕੀਤੀ ਗਈ।
ਹਾਲਾਂਕਿ ਜਾਣਕਾਰੀ ਦਿੱਤੀ ਗਈ ਹੈ ਕਿ ਹੁਣ ਸਕੂਲਾਂ ਨੂੰ ਸੁਰੱਖਿਅਤ ਕਰਾਰ ਦੇ ਦਿੱਤਾ ਗਿਆ ਹੈ।
ਲੌਕਡਾਊਨ ਅਤੇ ਸ਼ੈਲਟਰ ਇਨ ਪਲੇਸ ਨੂੰ ਹਟਾ ਦਿੱਤਾ ਗਿਆ ਹੈ।
ਕਿਸੇ ਦੇ ਜਖਮੀ ਹੋਣ ਦੀ ਖਬਰ ਨਹੀਂ ਹੈ।
