15.66C Vancouver 15.66C VancouverApr 19, 2021 3:10 PM -
ਵੈਨਕੂਵਰ ਪੁਲਿਸ ਵੱਲੋਂ ਸ਼ਨੀਵਾਰ ਰਾਤ ਨੂੰ ਡਾਊਨਟਾਊਨ ਦੇ ਕੋਲ ਹਾਰਬਰ ਇਲਾਕੇ ਵਿੱਚ ਗੋਲੀ ਚੱਲਣ ਦੀ ਇੱਕ ਵਾਰਦਾਤ ਦੀ ਤਫ਼ਤੀਸ਼ ਕੀਤੀ ਜਾ ਰਹੀ ਹੈ।
ਇਸ ਘਟਨਾ ਵਿੱਚ ਇੱਕ ਆਦਮੀ ਦੀ ਮੌਤ ਹੋ ਗਈ ਹੈ।
ਪੁਲਿਸ ਨੂੰ ਕਾਰਡੇਰੋਜ਼ ਰੈਸਟੋਰੈਂਟ ਦੇ ਬਾਹਰ ਰਾਤ ਤਕਰੀਬਨ 8:30 ਵਜੇ ਗੋਲੀਆਂ ਚੱਲਣ ਦੀ ਰਿਪੋਰਟ ਮਿਲੀ।
ਕਾਂਸਟੇਬਲ ਤਾਨਿਆ ਵਿਸਇੰਟਿਨ ਅਨੁਸਾਰ ਪੀੜਤ ਨੂੰ ਘਟਨਾ ਸਥਾਨ ’ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ ਸੀ।
ਅਧਿਕਾਰੀਆਂ ਮੁਤਾਬਕ ਮੁੱਢਲੀ ਜਾਂਚ ਤੋਂ ਪ੍ਰਤੀਤ ਹੁੰਦਾ ਹੈ ਕਿ ਮ੍ਰਿਤਕ ਨੂੰ ਮਿਥ ਕੇ ਨਿਸ਼ਾਨਾ ਬਣਾਇਆ ਗਿਆ ਸੀ।
ਵਿਸਇੰਟਿਨ ਅਨੁਸਾਰ ਇੱਕ ਮਸ਼ਹੂਰ ਜਗ੍ਹਾ ’ਤੇ ਵਾਪਰੀ ਇਸ ਘਟਨਾ ਸਦਕਾ ਬੇਕਸੂਰ ਲੋਕਾਂ ਦੀ ਜ਼ਿੰਦਗੀ ਜੋਖ਼ਮ ਵਿੱਚ ਪਾਈ ਗਈ ਹੈ।
ਪੁਲਿਸ ਵੱਲੋਂ ਫਿਲਹਾਲ ਇਸ ਮਾਮਲੇ ਵਿੱਚ ਕੋਈ ਗ੍ਰਿਫਤਾਰੀ ਨਹੀਂ ਕੀਤੀ ਗਈ ਹੈ।
ਇਹ ਇਸ ਸਾਲ ਵੈਨਕੂਵਰ ਦੇ ਵਿੱਚ ਵਾਪਰੀ ਕਤਲ ਦੀ ਪੰਜਵੀਂ ਵਾਰਦਾਤ ਹੈ।
