ਸਰੀ ਵਿਚ ਇੱਕ ਕਾਰੋਬਾਰ ਨੂੰ ਗੋਲੀਆਂ ਨਾਲ ਕੀਤਾ ਗਿਆ ਟਾਰਗੇਟ

ਸਰੀ ਵਿਚ ਇੱਕ ਕਾਰੋਬਾਰ ਨੂੰ ਗੋਲੀਆਂ ਨਾਲ ਟਾਰਗੇਟ ਕੀਤਾ ਗਿਆ ਹੈ। ਇਹ ਘਟਨਾ ਕਰੌਇਡਨ ਡਰਾਈਵ ਦੇ 15200 ਬਲਾਕ ਵਿਚ ਹੋਈ, ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮੰਗਲਵਾਰ ਸਵੇਰੇ 11:30 ਵਜੇ ਦੇ ਕਰੀਬ ਇਸ ਦੀ ਸੂਚਨਾ ਦਿੱਤੀ ਗਈ, ਜਦੋਂ ਕਿ ਮੰਨਿਆ ਜਾਂਦਾ ਹੈ ਕਿ ਇਹ ਘਟਨਾ ਸੋਮਵਾਰ ਦੀ ਰਾਤ 8:30 ਵਜੇ ਅਤੇ ਮੰਗਲਵਾਰ ਦੀ ਸਵੇਰੇ 8:30 ਵਜੇ ਦੇ ਵਿਚਕਾਰ ਵਾਪਰੀ ਸੀ।

ਸਰੀ ਪੁਲਿਸ ਸਰਵਿਸ ਨੇ ਕਿਹਾ ਕਿ ਉਸ ਸਮੇਂ ਇਮਾਰਤ ਵਿੱਚ ਕੋਈ ਨਹੀਂ ਸੀ ਅਤੇ ਕੋਈ ਜ਼ਖਮੀ ਨਹੀਂ ਹੋਇਆ। ਐਸ.ਪੀ.ਐਸ. ਨੇ ਕਿਹਾ ਕਿ ਆਰਸੀਐਮਪੀ ਸਪੋਸ ਜਨਰਲ ਇਨਵੈਸਟੀਗੇਸ਼ਨ ਯੂਨਿਟ ਨੇ ਇਨਵੈਸਟੀਗੇਸ਼ਨ ਦੀ ਜ਼ਿੰਮੇਵਾਰੀ ਸੰਭਾਲੀ ਹੈ। ਜਾਂਚ ਸ਼ੁਰੂਆਤੀ ਦੌਰ ਵਿਚ ਹੈ ਅਤੇ ਜਾਂਚਕਰਤਾ ਹੋਰ ਪੁਲਿਸ ਪਾਰਟਨਰ ਨਾਲ ਮਿਲ ਕੇ ਇਹ ਪਤਾ ਲਗਾ ਰਹੇ ਹਨ ਕੀ ਇਸ ਦਾ ਹੋਰ ਘਟਨਾ ਨਾਲ ਕੋਈ ਸਬੰਧ ਹੈ।

ਜਾਂਚਕਰਤਾ ਨੇ ਅਪੀਲ ਕੀਤੀ ਹੈ ਕਿ ਜਿਹੜੇ ਵੀ ਵਿਅਕਤੀ ਸੋਮਵਾਰ ਰਾਤ ਤੋਂ ਮੰਗਲਵਾਰ ਸਵੇਰ ਤੱਕ ਕਰੌਇਡਨ ਡਰਾਈਵ ਦੇ 15200 ਬਲਾਕ ਖੇਤਰ ਵਿਚ ਸਨ ਜਾਂ ਜਿਨ੍ਹਾਂ ਕੋਲ ਡੈਸ਼ਕੈਮ ਜਾਂ ਸੀਸੀਟੀਵੀ ਫੁਟੇਜ ਹੋ ਸਕਦੀ ਹੈ, ਉਨ੍ਹਾਂ ਨੂੰ ਸਰੀ ਪੁਲਿਸ ਨਾਲ 604-599-0502 ‘ਤੇ ਸੰਪਰਕ ਕਰਨਾ ਚਾਹੀਦਾ ਹੈ।