11.54C Vancouver 11.54C VancouverJul 24, 2025 4:00 PM - The Canadian Press
ਐਬਟਸਫੋਰਡ ਦੇ ਇੱਕ ਕੇਅਰ ਹੋਮ ਵਿਚ ਮਰੀਜ਼ ਦੀ ਸ਼ੱਕੀ ਹਾਲਤ ਵਿਚ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਐਬਟਸਫੋਰਡ ਪੁਲਿਸ ਨੇ ਕਿਹਾ ਕਿ ਲੋਕਲ ਹਸਪਤਾਲ ਨੇ ਪੁਲਿਸ ਨੂੰ ਦੋ ਮਰੀਜ਼ਾਂ ਨੂੰ ਮੇਨੋ ਹੋਮ ਤੋਂ ਸ਼ਿਫਟ ਕਰਨ ਦੀ ਜਾਣਕਾਰੀ ਦਿੱਤੀ ਸੀ, ਜਿਨ੍ਹਾਂ ਦੇ ਸ਼ੱਕੀ ਮੈਡੀਕਲ ਐਮਰਜੈਂਸੀ ਕਾਰਨ ਚਿੰਤਾਵਾਂ ਹੋਈਆਂ ਸਨ।
ਬਿਆਨ ਵਿਚ ਕਿਹਾ ਗਿਆ ਕਿ ਪੁਲਿਸ ਨੂੰ 6 ਜੁਲਾਈ ਨੂੰ ਬੁਲਾਇਆ ਗਿਆ ਸੀ ਅਤੇ ਇੱਕ ਮਰੀਜ਼ ਦੀ 10 ਜੁਲਾਈ ਨੂੰ ਮੌਤ ਹੋ ਗਈ। ਐਬਟਸਫੋਰਡ ਦੀ ਮੇਜਰ ਕ੍ਰਾਈਮ ਯੂਨਿਟ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ, ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲਾ ਗੁੰਝਲਦਾਰ ਹੈ ਅਤੇ ਜਾਸੂਸ ਇਨ੍ਹਾਂ ਮੈਡੀਕਲ ਇਵੈਂਟਸ ਦੇ ਆਲੇ-ਦੁਆਲੇ ਦੇ ਹਾਲਾਤ ਦਾ ਪਤਾ ਲਗਾਉਣ ਲਈ ਮੇਨੋ ਹੋਮ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ।
ਜਾਣਕਾਰੀ ਮੁਤਾਬਕ, ਇਸ ਕੇਅਰ ਹੋਮ ਦਾ ਸੰਚਾਲਨ ਮੇਨੋਨਾਈਟ ਬੇਨੇਵੋਲੈਂਟ ਸੁਸਾਇਟੀ ਕਰਦੀ ਹੈ ਅਤੇ ਫਰੇਜ਼ਰ ਹੈਲਥ ਅਥਾਰਿਟੀ ਵਲੋਂ ਇਸ ਨੂੰ ਫੰਡਿੰਗ ਪ੍ਰਾਪਤ ਹੁੰਦੀ ਹੈ।
