12.99C Vancouver 12.99C VancouverDec 7, 2021 8:29 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਕੁਝ ਤਸਵੀਰਾਂ ਜਾਰੀ ਕਰਦੇ ਹੋਏ ਜਾਣਕਾਰੀ ਦਿੱਤੀ ਗਈ ਹੈ ਕਿ ਬੀਤੇ ਕੁਝ ਸਮੇਂ 'ਚ ਸਰੀ ਪਾਰਕਸ ਨਾਲ ਸੰਬੰਧਤ ਪਬਲਿਕ ਵਾਸ਼ਰੂਮਸ ਵਿੱਚ ਤੋੜਭੰਨ ਕੀਤੀ ਗਈ ਹੈ।
ਪੁਲਿਸ ਨੇ ਦੱਸਿਆ ਹੈ ਕਿ ਬੀਤੇ ਕੁਝ ਮਹੀਨੇ ਤੋਂ ਅਜਿਹੀਆਂ ਸ਼ਿਕਾਇਤਾਂ ਮਿਲਦੀਆਂ ਰਹੀਆਂ ਹਨ ਜਦ ਪਬਲਿਕ ਵਾਸ਼ਰੂਮ ਨੂੰ ਤੋੜਭੰਨ ਦਾ ਨਿਸ਼ਾਨਾ ਬਣਾਇਆ ਗਿਆ।
ਇਸ 'ਚ ਖਾਸ ਤੌਰ 'ਤੇ ਕਲੋਵਰਡੇਲ ਇਲਾਕੇ ਬਾਰੇ ਦੱਸਿਆ ਗਿਆ ਹੈ।
ਨੁਕਸਾਨ ਵਿੱਚ ਤੋੜੇ ਹੋਏ ਟਾਇਲੈਟ, ਦਰਵਾਜੇ ਤੋੜਨ, ਪਾਰਟੀਸ਼ਨ ਅਤੇ ਵੈਂਟਸ ਤੋੜਨ ਅਤੇ ਸੋਪ ਡਿਸਪੈਂਸਰ ਚੋਰੀ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਸਮਝਦੇ ਹਨ ਕਿ ਇਹ ਸੋਸ਼ਲ ਮੀਡੀਆ ਦੇ ਟਰੈਂਡ ਦਾ ਵੀ ਹਿੱਸਾ ਹੋ ਸਕਦਾ ਹੈ ਜਿਸ 'ਚ ਪਬਲਿਕ ਪ੍ਰਾਪਰਟੀ ਨੂੰ ਨੁਕਸਾਨ ਪਹੁੰਚਾਉਣ ਦੇ ਵੀਡੀਓ ਬਣਾਏ ਜਾਂਦੇ ਹਨ।
ਕਾਂਸਟੇਬਲ ਸਰਬਜੀਤ ਸੰਘਾ ਦਾ ਕਹਿਣਾ ਹੈ ਕਿ ਤੋੜਭੰਨ ਦੀਆਂ ਅਜਿਹੀਆਂ ਘਟਨਾਵਾਂ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ ਅਤੇ ਇਨ੍ਹਾਂ ਵਾਸ਼ਰੂਮਸ ਦੀ ਲੋਕਾਂ ਨੂੰ ਲੋੜ ਪੈਂਦੀ ਹੈ।
ਉਨ੍ਹਾਂ ਕਿਹਾ ਕਿ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨਾਲ ਗੱਲ ਕਰਨੀ ਚਾਹੀਦੀ ਹੈ ਕਿ ਅਜਿਹਾ ਕਰਨਾ ਮੌਜ-ਮਸਤੀ ਨਹੀਂ ਹੈ ਬਲਕਿ ਗੈਰਕਨੂੰਨੀ ਗਤੀਵਿਧੀ ਹੈ ਅਤੇ ਇਸ ਦੇ ਨਤੀਜੇ ਹੁਣ ਜਾਂ ਭਵਿੱਖ ਵਿੱਚ ਭੁਗਤਣੇ ਪੈ ਸਕਦੇ ਹਨ।
