18.06C Vancouver 18.06C VancouverFeb 25, 2021 2:47 AM -
ਬੀ.ਸੀ. ਫੈਰੀਸ 'ਤੇ ਯਾਤਰਾ ਕਰਨ ਵਾਲੀਆਂ 2 ਔਰਤਾਂ ਨੂੰ $920 ਦੇ ਜੁਰਮਾਨੇ ਲਗਾਏ ਗਏ ਹਨ।
ਕਥਿਤ ਤੌਰ 'ਤੇ ਇਹਨਾਂ ਔਰਤਾਂ ਨੇ ਕੋਵਿਡ-19 ਸੰਬੰਧੀ ਸਿਹਤ ਨਿਰਦੇਸ਼ਾਂ ਦਾ ਉਲੰਘਣ ਕੀਤਾ ਸੀ।
ਨਨਾਈਮੋ ਆਰ.ਸੀ.ਐਮ.ਪੀ. ਨੂੰ ਡਿਪਾਰਚਰ ਬੇਅ ਫੈਰੀ ਟਰਮਿਨਲ (Departure Bay ferry terminal) 'ਤੇ ਸੱਦਿਆ ਗਿਆ ਸੀ।
ਮਾਮਲਾ ਐਤਵਾਰ ਰਾਤ ਦਾ ਦੱਸਿਆ ਗਿਆ।
ਉਸ ਮੌਕੇ ਕਵੀਨ ਆਫ ਕੋਵਿਚਾਨ ਫੈਰੀ (Queen of Cowichan ferry), ਹੌਰਸਸ਼ੂ ਬੇਅ (Horseshoe Bay) ਤੋਂ ਪਹੁੰਚ ਰਹੀ ਸੀ।
ਦੋਵਾਂ ਔਰਤਾਂ ਨੂੰ ਕਿਸ਼ਤੀ ਤੋਂ ਲਿਜਾਂਦਾ ਗਿਆ, ਅਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਇਹਨਾਂ ਦੀ ਉਮਰ 19 ਅਤੇ 43 ਸਾਲ ਦੱਸੀ ਗਈ।
ਪੁਲਿਸ ਅਨੁਸਾਰ ਇਹਨਾਂ ਔਰਤਾਂ ਨੇ ਯਾਤਰਾ ਦੌਰਾਨ ਸਟਾਫ਼ 'ਤੇ ਰੌਲਾ ਪਾਇਆ ਅਤੇ ਬਦਸਲੂਕੀ ਕੀਤੀ।
ਆਰ.ਸੀ.ਐਮ.ਪੀ. ਨੇ ਦੋਵਾਂ ਨੂੰ ਪਬਲਿਕ ਥਾਂ 'ਤੇ ਇਨਟੌਕਸੀਕੇਟਿਡ ਅਵਸਥਾ 'ਚ ਹੋਣ ਲਈ ਗ੍ਰਿਫਤਾਰ ਕੀਤਾ ਸੀ।
ਹਾਲਾਂਕਿ ਬਾਅਦ 'ਚ ਦੋਵਾਂ 'ਤੇ ਕੋਈ ਦੋਸ਼ ਨਹੀਂ ਲਗਾਏ ਗਏ।
ਕਾਂਸਟੇਬਲ ਗੈਰੀ ਓ'ਬ੍ਰਾਇਨ ਨੇ ਕਿਹਾ ਕਿ ਦੋਵਾਂ ਕੋਲ ਮਾਸਕ ਮੌਜੂਦ ਸਨ ਪਰ ਉਨ੍ਹਾਂ ਮਾਸਕ ਨਾ ਪਹਿਨਣ ਦਾ ਫੈਸਲਾ ਲਿਆ।
