ਪ੍ਰਿੰਸ ਜਾਰਜ: ਪਡੈਸਟ੍ਰੀਅਨ ਹਿਟ ਐਂਡ ਰੱਨ ਮਾਮਲੇ 'ਚ ਪੁਲਿਸ ਕਰ ਰਹੀ ਵਾਹਨ ਦੀ ਭਾਲ

ਪ੍ਰਿੰਸ ਜਾਰਜ ਵਿਚ ਅੱਜ ਸਵੇਰੇ ਲਗਭਗ 9:00 ਵਜੇ ਦੋ ਸਾਈਕਲ ਸਵਾਰਾਂ ਨੂੰ ਇੱਕ ਪਿਕਅੱਪ ਟਰੱਕ ਨੇ ਟੱਕਰ ਮਾਰ ਦਿੱਤੀ ਅਤੇ ਡਰਾਈਵਰ ਮੌਕੇ ਤੋਂ ਭੱਜ ਗਿਆ, ਪੁਲਿਸ ਨੇ ਕਿਹਾ ਕਿ ਘਟਨਾ ਉੱਤਰੀ ਓਸਪੀਕਾ ਬੁਲੇਵਾਰਡ ਅਤੇ ਮੈਕਰੇ ਐਵੇਨਿਊ ਦੇ ਇੰਟਰਸੈਕਸ਼ਨ 'ਤੇ ਵਾਪਰੀ, ਪੀੜਤ ਸੜਕ ਦੇ ਕਿਨਾਰੇ ਸਨ, ਦੋਵਾਂ ਨੂੰ ਗੰਭੀਰ ਸੱਟਾਂ ਲੱਗਣ ਕਾਰਨ ਹਸਪਤਾਲ ਲਿਜਾਇਆ ਗਿਆ।

ਪੁਲਿਸ ਨੇ ਕਿਹਾ ਕਿ ਸ਼ੱਕੀ ਗੱਡੀ ਦੀ ਪਛਾਣ ਬਲੈਕ ਡੌਜ ਰੈਮ 1500 ਵਜੋਂ ਹੋਈ ਅਤੇ ਜਾਂਚ ਦੇ ਸਬੰਧ ਵਿਚ ਡਰਾਈਵਰ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ। ਜਾਂਚਕਰਤਾ ਵਲੋਂ ਘਟਨਾ ਸਥਾਨ ਓਸਪੀਕਾ ਬੁਲੇਵਾਰਡ ਦੇ ਇੱਕ ਵੱਡੇ ਹਿੱਸੇ ਨੂੰ ਦੋਵੇਂ ਦਿਸ਼ਾਵਾਂ ਵਿਚ ਬੰਦ ਕਰ ਦਿੱਤਾ ਗਿਆ ਅਤੇ ਇਹ ਵੀ ਕਿਹਾ ਕਿ ਜਾਂਚ ਵਿਚ ਦਿਨ ਦਾ ਜ਼ਿਆਦਾ ਸਮਾਂ ਲੱਗ ਸਕਦਾ ਹੈ।