19.67C Vancouver 19.67C VancouverSep 5, 2025 5:35 PM - Connect Newsroom
ਬੀ. ਸੀ. ਵਿਚ ਅੱਜ ਸਵੇਰ ਇੱਕ ਵੱਡਾ ਹਾਦਸਾ ਹੋਇਆ, ਹੋਪ ਅਤੇ ਯੇਲ ਵਿਚਕਾਰ ਸਵੇਰੇ 6:00 ਵਜੇ ਦੇ ਕਰੀਬ ਇੱਕ ਟਰੈਕਟਰ-ਟ੍ਰੇਲਰ ਅਤੇ ਇੱਕ ਪਿਕਅੱਪ ਟਰੱਕ ਆਹਮੋ-ਸਾਹਮਣੇ ਟਕਰਾ ਗਏ। ਇਸ ਹਾਦਸੇ ਵਿਚ ਹਾਲਾਂਕਿ, ਟਰੈਕਟਰ ਟ੍ਰੇਲਰ ਦੇ ਡਰਾਈਵਰ ਨੂੰ ਕੋਈ ਸੱਟ ਨਹੀਂ ਲੱਗੀ ਪਰ ਪਿਕਅੱਪ ਦੇ ਡਰਾਈਵਰ ਨੂੰ ਗੰਭੀਰ ਸੱਟਾਂ ਲੱਗੀਆਂ, ਜਿਸ ਕਾਰਨ ਉਸ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਇੱਕ ਅਪਡੇਟ ਵਿਚ ਕਿਹਾ ਕਿ ਯੇਲ ਦੇ ਬਿਲਕੁਲ ਸਾਊਥ ਵਿਚ ਹਾਈਵੇ 1 ਬਾਕੀ ਦਿਨ ਲਈ ਬੰਦ ਰਹੇਗਾ। ਪੁਲਿਸ ਇਸ ਗੰਭੀਰ ਹਾਦਸੇ ਦੇ ਸਬੰਧ ਵਿਚ ਗਵਾਹਾਂ ਅਤੇ ਵੀਡੀਓ ਦੀ ਤਲਾਸ਼ ਕਰ ਰਹੀ ਹੈ। ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਅਸੀਂ ਇਸ ਜਾਂਚ ਵਿਚ ਪ੍ਰੋਗਰੈਸ ਕਰ ਰਹੇ ਹਾਂ ਪਰ ਇਸ ਹਾਦਸੇ ਦੀ ਪੂਰੀ ਤਸਵੀਰ ਜਾਣਨ ਲਈ ਹੋਰ ਗਵਾਹਾਂ ਅਤੇ ਡੈਸ਼ ਕੈਮਰਾ ਵੀਡੀਓ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਜੇ ਕਿਸੇ ਨੇ ਯੇਲ ਵਿਚ ਹੋਈ ਇਸ ਟੱਕਰ ਨੂੰ ਦੇਖਿਆ ਹੈ ਜਾਂ ਇਸ ਦੀ ਵੀਡੀਓ ਹੈ ਤਾਂ ਉਨ੍ਹਾਂ ਨੂੰ ਬੀ.ਸੀ. ਹਾਈਵੇਅ ਪੈਟਰੋਲ –ਚਿਲੀਵੈਕ ਨਾਲ 604-702-4039 'ਤੇ ਸੰਪਰਕ ਕਰਨ ਦੀ ਬੇਨਤੀ ਕੀਤੀ ਜਾਂਦੀ ਹੈ।
