15.37C Vancouver 15.37C VancouverFeb 18, 2022 1:34 AM - The Canadian Press
ਔਟਵਾ 'ਚ ਪ੍ਰਦਰਸ਼ਨਕਾਰੀਆਂ ਦੀ ਗ੍ਰਿਫਤਾਰੀ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ।
ਖਬਰਾਂ ਅਨੁਸਾਰ ਪ੍ਰਦਰਸ਼ਨਾਂ ਦੇ ਪ੍ਰਬੰਧਕਾਂ 'ਚ ਸ਼ਾਮਿਲ ਤਮਾਰਾ ਲਿਚ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਇਸ ਤੋਂ ਪਹਿਲਾਂ ਤਮਾਰਾ ਲਿਚ ਨੇ ਜਾਣਕਾਰੀ ਦਿੱਤੀ ਸੀ ਕਿ ਉਸ ਦਾ ਅਕਾਊਂਟ ਫ੍ਰੀਜ ਕਰ ਲਿਆ ਗਿਆ ਹੈ ਅਤੇ ਉਸ ਦੀ ਗ੍ਰਿਫਤਾਰੀ ਲਗਭਗ ਪੱਕੀ ਹੈ।
ਇਸ ਤੋਂ ਇਲਾਵਾ ਪ੍ਰਬੰਧਕਾਂ 'ਚ ਸ਼ਾਮਿਲ ਕ੍ਰਿਸ ਬਾਰਬਰ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਨੇ ਅੱਜ ਦੁਪਹਿਰ ਦੇ ਸਮੇਂ ਚੇਤਾਵਨੀ ਜਾਰੀ ਕੀਤੀ ਸੀ ਕਿ ਸਮਾਂ ਰਹਿੰਦੇ ਪ੍ਰਦਰਸ਼ਨਕਾਰੀ ਪਵਾਪਿਸ ਪਰਤ ਜਾਣ ਨਹੀਂ ਤਾਂ ਸਖਤੀ ਵਰਤੀ ਜਾਵੇਗੀ।
ਪ੍ਰਦਰਸ਼ਨਕਾਰੀਆਂ ਵੱਲੋਂ ਪੁਲਿਸ ਦੇ ਨੋਟਿਸ ਅਤੇ ਚੇਤਾਵਨੀ ਨੂੰ ਇਗਨੋਰ ਕੀਤਾ ਗਿਆ ਸੀ।
ਮੌਕੇ ਤੋਂ ਇੱਕ ਸੰਤਰੀ ਰੰਗ ਦੀ ਟੋਪੀ ਪਹਿਨੇ ਆਦਮੀ ਨੂੰ ਹਥਕੜੀਆਂ ਲਗਾਉਣ ਦੀਆਂ ਰਿਪੋਰਟਸ ਉਜਾਗਰ ਹੋਈਆਂ ਹਨ।
ਉਸ ਨੂੰ ਲਿਜਾਣ ਤੋਂ ਪਹਿਲਾਂ ਕਿਹਾ ਗਿਆ ਕਿ ਉਸ ਦੇ ਖਿਲਾਫ ਆਊਟਸਟੈਂਡਿੰਗ ਵਾਰੰਟ ਸੀ।
ਇੱਕ ਹੋਰ ਵਿਅਕਤੀ ਨੂੰ ਜਮੀਨ 'ਤੇ ਡੇਗ ਲਿਆ ਗਿਆ ਅਤੇ ਪੁਲਿਸ ਕਾਰ ਤਕ ਲਿਜਾਇਆ ਗਿਆ।
ਇਸ ਮਾਮਲੇ 'ਚ 6 ਪੁਲਿਸ ਅਫ਼ਸਰ ਸ਼ਾਮਿਲ ਸਨ।
ਇਸ ਗ੍ਰਿਫਤਾਰੀ ਦੌਰਾਨ ਲੋਕਾਂ ਵੱਲੋਂ ਉਸ ਨੂੰ ਛੱਡਣ ਲਈ ਰੌਲਾ ਵੀ ਪਾਇਆ ਜਾ ਰਿਹਾ ਸੀ।
ਅਜਿਹੀਆਂ ਕੁਝ ਹੋਰ ਗ੍ਰਿਫਤਾਰੀਆਂ ਦੀਆਂ ਰਿਪੋਰਟਸ ਵੀ ਉਜਾਗਰ ਹੋਈਆਂ ਹਨ।
ਇੱਕ ਹੋਰ ਮੌਕੇ 'ਤੇ ਪਾਰਲੀਅਮੈਂਟ ਹਿਲ ਕੋਲੋਂ ਕਰੀਬ 2 ਦਰਜਨ ਅਫਸਰਾਂ ਵੱਲੋਂ ਇੱਕ ਆਦਮੀ ਨੂੰ ਹਥਕੜੀਆਂ 'ਚ ਮੌਕੇ ਤੋਂ ਲਿਜਾਂਦੇ ਵੇਖਿਆ ਗਿਆ।
ਪੁਲਿਸ ਦੀ ਗੱਡੀ 'ਚ ਗ੍ਰਿਫਤਾਰ ਕਰ ਲਿਜਾਏ ਜਾ ਰਹੇ ਵਿਅਕਤੀ ਨੂੰ ਵੇਖ ਕਈ ਪ੍ਰਦਰਸ਼ਨਕਾਰੀ 'ਫਰੀਡਮ' ਦੇ ਨਾਅਰੇ ਲਗਾਉਣ ਲੱਗੇ।
