16.01C Vancouver 16.01C VancouverJan 11, 2023 1:41 AM - The Canadian Press
ਬੀ.ਸੀ. 'ਚ ਇੱਕ ਪੁਲਿਸ ਅਫ਼ਸਰ ਦੀ ਮੌਤ ਹੋ ਗਈ ਹੈ। ਇੱਕ ਐਵਲਾਂਚ/ਬਰਫ ਖਿਸਕਣ ਦੀ ਘਟਨਾ ਵਿੱਚ ਇੱਕ ਅਫ਼ਸਰ ਦੀ ਜਾਨ ਜਾਣ ਅਤੇ ਇੱਕ ਅਫ਼ਸਰ ਦੇ ਗੰਭੀਰ ਜ਼ਖਮੀ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਘਟਨਾ ਬੀ.ਸੀ. ਦੇ ਨੈਲਸਨ ਇਲਾਕੇ 'ਚ ਵਾਪਰੀ।
ਮਾਮਲੇ ਸੰਬੰਧੀ ਅੱਜ ਨੈਲਸਨ ਦੀ ਮੇਅਰ ਜੈਨਿਸ ਮੌਰੀਸਨ ਅਤੇ ਪੁਲਿਸ ਮੁਖੀ ਡੋਨਾਵਨ ਫਿਸ਼ਰ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਘਟਨਾ 'ਚ 43 ਸਾਲਾ ਅਫ਼ਸਰ, ਵੇਡ ਟਿਟਮੋਰ ਨੇ ਜਾਨ ਗਵਾ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਘਟਨਾ ਤੋਂ ਬਾਅਦ ਪੂਰੇ ਇਲਾਕੇ 'ਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਤੋਂ ਕਰੀਬ 70km ਦੂਰ ਕਾਸਲੋ ਦੇ ਇਲਾਕੇ 'ਚ ਦੋਵੇਂ ਅਫ਼ਸਰ ਘਟਨਾ ਦਾ ਸ਼ਿਕਾਰ ਹੋ ਗਏ।
ਦੋਵਾਂ ਦਾ ਕਹਿਣਾ ਸੀ ਕਿ ਘਟਨਾ ਤੋਂ ਬਾਅਦ ਦੁੱਖ ਦਾ ਪ੍ਰਗਟਾਵਾ ਕਰਨ ਲਈ ਦੇਸ਼ ਭਰ ਤੋਂ ਅਨੇਕਾਂ ਕਾਲਸ ਆ ਰਹੀਆਂ ਹਨ।
ਇਸੇ ਘਟਨਾ 'ਚ 28 ਸਾਲਾ ਕਾਂਸਟੇਬਲ ਮੈਥਿਊ ਨੌਲੇਟ ਦੇ ਗੰਭੀਰ ਜ਼ਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
ਇਸ ਤੋਂ ਪਹਿਲਾਂ ਐਵਲਾਂਚ ਕੈਨੇਡਾ ਨੇ ਚੇਤਾਵਨੀ ਜਾਰੀ ਕੀਤੀ ਸੀ ਕਿ ਬੀ.ਸੀ. 'ਚ ਸਨੋਪੈਕ ਬੇਹੱਦ ਕਮਜੋਰ ਹਨ ਅਤੇ ਅਜਿਹੇ 'ਚ ਬਰਫ ਖਿਸਕਣ ਦਾ ਖਤਰਾ ਕਾਫੀ ਜ਼ਿਆਦਾ ਹੈ।
ਮੈਕਸੀਕੋ 'ਚ 3 ਅਮੀਗੋਸ ਬੈਠਕ ਦਾ ਹਿੱਸਾ ਬਣਨ ਪਹੁੰਚੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਟਵੀਟ ਕਰ ਘਟਨਾ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਟਰੂਡੋ ਨੇ ਕਿਹਾ ਬੀ.ਸੀ. 'ਚ ਵਾਪਰੀ ਘਟਨਾ 'ਚ ਪੁਲਿਸ ਅਫ਼ਸਰ ਦੀ ਮੌਤ ਤੋਂ ਉਹ ਬੇਹੱਦ ਦੁਖੀ ਹਨ।
ਉਨ੍ਹਾਂ ਕਿਹਾ ਕਿ ਦੁੱਖ ਦੀ ਘੜੀ 'ਚ ਕੈਨੇਡਾ ਵਾਸੀ ਪੀੜਤ ਪਰਿਵਾਰ ਦੇ ਨਾਲ ਹਨ।
ਉਨ੍ਹਾਂ ਨਾਲ ਹੀ ਜ਼ਖਮੀ ਅਫ਼ਸਰ ਦੇ ਜਲਦੀ ਠੀਕ ਹੋਣ ਦੀ ਉਮੀਦ ਜਤਾਈ।
ਸੂਬੇ ਦੇ ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਵੀ ਘਟਨਾ 'ਤੇ ਸੋਗ ਜ਼ਾਹਿਰ ਕੀਤਾ ਹੈ।
