18.73C Vancouver 18.73C VancouverAug 13, 2021 8:55 PM -
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਡਾਊਨਟਾਊਨ ਇਲਾਕੇ 'ਚ ਲੋਕਾਂ ਵੱਲੋਂ ਗੈਰਕਨੂੰਨੀ ਸ਼ਰਾਬ ਦੇ ਸੇਵਨ 'ਚ ਵਾਧਾ ਵੇਖਣ ਨੂੰ ਮਿਲਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅਜਿਹਾ ਉਸ ਵੇਲੇ ਹੋ ਰਿਹਾ ਹੈ ਜਦ ਕੁਝ ਪਬਲਿਕ ਥਾਵਾਂ ਉਪਲਬਧ ਹਨ ਜਿੱਥੇ ਸ਼ਰਾਬ ਦੇ ਸੇਵਨ ਦੀ ਇਜਾਜ਼ਤ ਹੈ।
ਕਰੀਬ ਇੱਕ ਮਹੀਨਾ ਪਹਿਲਾਂ ਵੈਨਕੂਵਰ ਦੇ ਪਾਰਕਸ ਵਿੱਚ ਕਰੀਬ 22 ਥਾਵਾਂ 'ਤੇ ਸ਼ਰਾਬ ਦੇ ਸੇਵਨ ਦੀ ਇਜਾਜ਼ਤ ਦੇ ਦਿੱਤੀ ਗਈ ਸੀ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਗ੍ਰੈਨਵਿਲ ਐਂਟਰਟੇਨਮੈਂਟ ਡਿਸਟ੍ਰਿਕਟ 'ਚ 1 ਜੂਨ ਤੋਂ ਅਜਿਹੇ ਮਾਮਲਿਆਂ ਵਿੱਚ ਬੀਤੇ ਸਾਲ ਦੇ ਇਸੇ ਸਮੇਂ ਦੇ ਮੁਕਾਬਲੇ 607% ਵਾਧਾ ਵੇਖਣ ਨੂੰ ਮਿਲਿਆ ਹੈ।
ਸਾਲ 2019 ਦੇ ਮੁਕਾਬਲੇ ਇਸ ਨੂੰ 84% ਵਾਧਾ ਦੱਸਿਆ ਗਿਆ ਹੈ।
ਵਿਸਿੰਟਨ ਨੇ ਕਿਹਾ ਕਿ ਇਸ ਦਾ ਨਤੀਜਾ ਹੈ ਕਿ ਵਧੇਰੇ ਹਮਲੇ ਅਤੇ ਹੋਰ ਅਪਰਾਧ ਵੱਧ ਰਹੇ ਹਨ ਜਿੰਨਾ ਦਾ ਕਾਰਨ ਸ਼ਰਾਬ ਹੋ ਸਕਦੀ ਹੈ।
