11.41C Vancouver 11.41C VancouverApr 22, 2021 11:27 PM -
ਲੈਂਗਲੀ 'ਚ ਸਪੋਰਟਸ ਕੰਪਲੈਕਸ ਦੇ ਬਾਹਰ ਗੋਲੀਆਂ ਦਾ ਨਿਸ਼ਾਨਾ ਬਣੇ ਪੀੜਤ ਦੀ ਪਛਾਣ ਜਨਤਕ ਕੀਤੀ ਗਈ ਹੈ।
ਵਿਅਕਤੀ ਦਾ ਨਾਮ ਟੌਡ ਗੁਵਨਬਰਗ ਦੱਸਿਆ ਗਿਆ ਹੈ ਅਤੇ ਉਸ ਦੀ ਉਮਰ 46 ਸਾਲ ਸੀ।
ਇਸ ਵਿਅਕਤੀ ਨੂੰ ਲੰਮੇ ਸਮੇਂ ਤੋਂ ਗੈਂਗ ਸੰਬੰਧੀ ਕਾਰਵਾਈਆਂ 'ਚ ਸ਼ਾਮਿਲ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਘਟਨਾ ਨੂੰ ਅੰਜਾਮ ਦਿੱਤੇ ਜਾਣ ਦੇ ਪੁਖਤਾ ਕਾਰਨਾਂ ਬਾਰੇ ਫਿਲਹਾਲ ਪਿਆ ਨਹੀਂ ਲੱਗਿਆ ਹੈ ਪਰ ਪੁਲਿਸ ਦਾ ਕਹਿਣਾ ਹੈ ਕਿ ਵਾਰਦਾਤ ਨੂੰ ਮਿਥ ਕੇ ਅੰਜਾਮ ਦਿੱਤਾ ਗਿਆ ਸੀ।
ਪੁਲਿਸ ਅਧਿਕਾਰੀ ਅਨੁਸਾਰ ਪੀੜਤ ਵਿਅਕਤੀ ਕਰੀਬ 20 ਸਾਲ ਤੋਂ ਯੂਨਾਈਟਿਡ ਨੇਸ਼ਨਸ ਗੈਂਗ ਦੇ ਨਾਲ ਵਾਸਤਾ ਰੱਖਦਾ ਸੀ।
ਹਾਲਾਂਕਿ ਜਾਂਚ ਅਧਿਕਾਰੀਆਂ ਨੇ ਇਸ ਵਾਰਦਾਤ ਨੂੰ ਸੋਮਵਾਰ ਨੂੰ ਕੋਕਟਲਮ 'ਚ ਮਾਰੇ ਗਏ 20 ਸਾਲਾ ਬੇਲੀ ਮੈਕੀਨੀ, ਜਾਂ ਵੈਨਕੂਵਰ 'ਚ ਕਤਲ ਕੀਤੇ ਗਏ 31 ਸਾਲਾ ਹਰਪ੍ਰੀਤ ਸਿੰਘ ਧਾਲੀਵਾਲ ਦੀਆਂ ਸ਼ੂਟਿੰਗਸ ਨਾਲ ਨਹੀਂ ਜੋੜਿਆ ਹੈ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਗੈਂਗ ਹਿੰਸਾ ਅਚਾਨਕ ਸਰਗਰਮ ਹੋ ਗਈ ਹੈ।
ਇੱਕ ਸਾਂਝੀ ਪ੍ਰੈਸ ਕਾਨਫਰੰਸ ਦੌਰਾਨ ਇਲਾਕੇ ਦੀਆਂ ਪੁਲਿਸ ਅਜੈਂਸੀਆਂ ਵੱਲੋਂ ਦੱਸਿਆ ਗਿਆ ਕਿ ਸਾਲ 2021 'ਚ ਗੈਂਗ ਸੰਬੰਧੀ ਕਤਲਾਂ 'ਚ 15 ਲੋਕਾਂ ਨੂੰ ਜਾਨ ਗਵਾ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਯੂਨਾਈਟਿਡ ਨੇਸ਼ਨਸ ਗੈਂਗ, ਰੈੱਡ ਸਕਾਰਪੀਅਨਸ, ਇੰਡੀਪੈਂਡੈਂਟ ਸੋਲਜਰਸ ਅਤੇ ਵੌਲਫ ਪੈਕ ਗੈਂਗਸ ਵਿਚਾਲੇ ਤਣਾਅ ਵਧ ਗਿਆ ਹੈ।
