12.85C Vancouver 12.85C VancouverJan 12, 2023 1:17 AM - Connect News
ਨਿਊ ਵੈਸਟਮਿਨਸਟਰ ਪੁਲਿਸ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਇੱਕ ਆਦਮੀ 'ਤੇ ਭਿਆਨਕ ਹਮਲਾ ਕੀਤਾ ਗਿਆ ਹੈ।
ਪੁਲਿਸ ਵੱਲੋਂ ਘਟਨਾ 'ਚ ਇੱਕ ਨੀਲੇ ਰੰਗ ਦੀ ਪੌਂਟੀਐਕ ਸੰਨਫਾਇਰ ਗੱਡੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਬੈਗਬੀ ਅਤੇ ਕਾਰਨਾਰਵਨ ਸਟ੍ਰੀਟ ਦੇ ਇਲਾਕੇ 'ਚ ਅਫਸਰਾਂ ਨੂੰ ਇੱਕ ਆਦਮੀ ਗੰਭੀਰ ਜ਼ਖਮੀ ਹਾਲਤ 'ਚ ਮਿਲਿਆ।
ਆਦਮੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਅਤੇ ਪੁਲਿਸ ਦਾ ਕਹਿਣਾ ਹੈ ਕਿ ਆਦਮੀ ਜੀਵਨ ਭਰ ਲਈ ਮੁਸ਼ਕਿਲ ਪੇਸ਼ ਕਰਨ ਵਾਲੀਆਂ ਸੱਟਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਪੁਲਿਸ ਮੁਤਾਬਿਕ ਘਟਨਾ 23 ਦਿਸੰਬਰ ਨੂੰ ਰਾਤ ਕਰੀਬ 11.15 ਵਜੇ ਵਾਪਰੀ ਸੀ।
ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ ਦੇ ਮੇਜਰ ਕਰਾਈਮ ਯੂਨਿਟ ਦਾ ਕਹਿਣਾ ਹੈ ਕਿ ਪੀੜਤ ਆਦਮੀ 'ਤੇ ਜਿਸ ਵਿਅਕਤੀ ਨੇ ਹਮਲਾ ਕੀਤਾ ਉਸ ਨਾਲ 2 ਸਾਥੀ ਵੀ ਮੌਜੂਦ ਸਨ।
ਜਿਸ ਵਾਹਨ 'ਚ ਸ਼ੱਕੀ ਮੌਕੇ ਤੋਂ ਨਿਕਲੇ ਉਸ ਦੀ ਵੀਡੀਓ ਜਾਰੀ ਕੀਤੀ ਗਈ ਹੈ।
ਗੱਡੀ ਦਾ ਵੀਡੀਓ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੇਖਿਆ ਜਾ ਸਕਦਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
