17.9C Vancouver 17.9C VancouverMar 27, 2025 1:33 PM - The Canadian Press
ਨਿਊ ਵੈਸਟਮਿੰਸਟਰ ਵਿਚ ਮੰਗਲਵਾਰ ਰਾਤ ਇਕ ਔਰਤ ਨੂੰ ਹਿੱਟ-ਐਂਡ-ਰਨ ਹਾਦਸੇ ਵਿਚ ਜ਼ਖਮੀ ਕਰਨ ਵਾਲੇ ਸ਼ੱਕੀ ਡਰਾਈਵਰ ਦੀ ਪੁਲਿਸ ਵਲੋਂ ਭਾਲ ਕੀਤੀ ਜਾ ਰਹੀ ਹੈ।
ਇਹ ਹਾਦਸਾ ਰਾਤ ਕਰੀਬ 11.20 ਵਜੇ ਬੋਏਡ ਅਤੇ ਗਿਫ਼ਰ੍ਡ ਸਟ੍ਰੀਟਸ ਦੇ ਚੌਰਾਹੇ ਨੇੜੇ ਵਾਪਰਿਆ। ਜਦ ਔਫੀਸਰਜ਼ ਇੱਥੇ ਪੁੱਜੇ ਤਾਂ ਉਨ੍ਹਾਂ ਨੇ ਵਾਹਨ ਵਿਚ ਜ਼ਖਮੀ ਔਰਤ ਨੂੰ ਦੇਖਿਆ।ਸ਼ੱਕੀ ਨੇ ਆਪਣਾ ਵਾਹਨ ਨੇੜਲੀ ਗਲੀ ਵਿਚ ਪਾਰਕ ਕੀਤਾ ਸੀ ਅਤੇ ਫਰਾਰ ਹੋ ਗਿਆ। ਪੁਲਿਸ ਨੇ ਔਰਤ ਨੂੰ ਹਸਪਤਾਲ ਦਾਖਲ ਕਰਵਾਇਆ। ਉਸ ਦੀ ਹਾਲਤ ਖਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ।
ਔਫੀਸਰਜ਼ ਨੇ ਗ੍ਰੇਅ ਰੰਗ ਦੀ ਟੋਇਟਾ ਟੈਕੋਮਾ ਦੀ ਤਸਵੀਰ ਸਾਂਝੀ ਕਰਕੇ ਇਸ ਦੇ ਡਰਾਈਵਰ ਦੀ ਭਾਲ ਸ਼ੁਰੂ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਕੋਲ ਇਸ ਸਬੰਧੀ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਨ੍ਹਾਂ ਨੂੰ ਜ਼ਰੂਰ ਦੱਸਿਆ ਜਾਵੇ।
