14.37C Vancouver 14.37C VancouverFeb 27, 2026 9:26 PM - Connect Newsroom - Ramandeep Kaur
ਪੀਲ ਰੀਜਨਲ ਪੁਲਿਸ ਨੇ ਇੱਕ ਪੰਜਾਬੀ ਨੌਜਵਾਨ ਖਿਲਾਫ ਕੈਨੇਡਾ ਵਾਈਡ ਵਾਰੰਟ ਜਾਰੀ ਕੀਤੇ ਹਨ।
ਪੁਲਿਸ ਮੁਤਾਬਕ ਹੋਮੀਸਾਈਡ ਬਿਊਰੋ ਨੇ ਬਰੈਂਪਟਨ ਵਿਚ ਹੋਏ ਇੱਕ ਕਤਲ ਦੇ ਮਾਮਲੇ ਵਿਚ ਸ਼ੱਕੀ ਦੀ ਪਛਾਣ 29 ਸਾਲਾ ਮਨਪ੍ਰੀਤ ਸਿੰਘ ਵਜੋਂ ਕੀਤੀ ਹੈ।
ਜਾਂਚਕਰਤਾ ਮੁਤਾਬਕ, 19 ਅਗਸਤ, 2025 ਨੂੰ ਬਰੈਂਪਟਨ ਦੇ ਕੈਸਲਮੋਰ ਰੋਡ ਅਤੇ ਹੰਬਰਵੈਸਟ ਪਾਰਕਵੇਅ ਇਲਾਕੇ ਵਿਚ ਦੋ ਹਮਲਾਵਰ ਇੱਕ ਘਰ ਵਿਚ ਦਾਖਲ ਹੋਏ ਸਨ ਅਤੇ ਉਨ੍ਹਾਂ ਦੋ ਵਿਅਕਤੀਆਂ 'ਤੇ ਗੋਲੀਆਂ ਚਲਾਈਆਂ ਸਨ।
ਇਸ ਹਮਲੇ ਵਿਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ, ਜਦੋਂ ਕਿ ਦੂਜਾ ਜ਼ਖਮੀ ਹੋ ਗਿਆ ਸੀ, ਜਿਸ ਨੂੰ ਇਲਾਜ ਤੋਂ ਬਾਅਦ ਛੁੱਟੀ ਮਿਲ ਗਈ ਸੀ।
ਇਸ ਕੇਸ ਵਿਚ ਪਹਿਲੀ ਗ੍ਰਿਫਤਾਰੀ ਅਕਤੂਬਰ 2025 ਵਿਚ ਹੋਈ, ਪੁਲਿਸ ਨੇ 24 ਸਾਲਾ ਦਿਲਪ੍ਰੀਤ ਸਿੰਘ ਨੂੰ ਹਿਰਾਸਤ ਵਿਚ ਲੈ ਕੇ ਉਸ 'ਤੇ ਫਰਸਟ ਡਿਗਰੀ ਮਰਡਰ ਦੇ ਦੋਸ਼ ਲਗਾਏ ਸਨ।
ਹੁਣ ਇਸ ਮਾਮਲੇ ਵਿਚ 29 ਸਾਲਾ ਮਨਪ੍ਰੀਤ ਸਿੰਘ ਦੀ ਤਲਾਸ਼ ਹੈ।
ਪੀਲ ਪੁਲਿਸ ਅਨੁਸਾਰ, ਮਨਪ੍ਰੀਤ ਹਥਿਆਰਬੰਦ ਅਤੇ ਖ਼ਤਰਨਾਕ ਹੋ ਸਕਦਾ ਹੈ, ਜੇਕਰ ਕੋਈ ਵੀ ਇਸ ਵਿਅਕਤੀ ਨੂੰ ਦੇਖਦਾ ਹੈ ਤਾਂ ਉਸ ਦੇ ਨੇੜੇ ਜਾਣ ਦੀ ਬਜਾਏ ਤੁਰੰਤ ਐਮਰਜੈਂਸੀ ਸਰਵਿਸ ਨੂੰ 911 'ਤੇ ਸੰਪਰਕ ਕੀਤਾ ਜਾਵੇ।
ਪੀਲ ਪੁਲਿਸ ਨੇ ਇਹ ਵੀ ਕਿਹਾ ਕਿ ਮਨਪ੍ਰੀਤ ਦਾ ਕੋਈ ਪੱਕਾ ਪਤਾ ਨਹੀਂ ਹੈ, ਉਸ ਵਿਰੁੱਧ ਫਰਸਟ ਡਿਗਰੀ ਮਰਡਰ ਅਤੇ ਕਤਲ ਦੀ ਕੋਸ਼ਿਸ਼ ਦੇ ਚਾਰਜਿਜ਼ ਹਨ।
Source: Peel Regional Police news release: https://www.peelpolice.ca/news-feed/posts/second-suspect-wanted-in-brampton-homicide-pr250263233/
With files from The Canadian Press.
