ਮਿਲਟਨ ਦੇ ਇਲਾਕੇ ਵਿੱਚ ਘੁਸਪੈਠ ਮਾਮਲੇ 'ਚ ਕਈ ਸ਼ੱਕੀਆਂ ਦੀ ਤਲਾਸ਼ ਜਾਰੀ, ਪੁਲਿਸ ਵਲੋਂ ਮੰਗੀ ਜਾ ਰਹੀ ਵੀਡੀਓ

ਓਨਟਾਰੀਓ ਵਿਚ ਘਰ 'ਤੇ ਹਮਲੇ ਦੀ ਇੱਕ ਹੋਰ ਘਟਨਾ ਸਾਹਮਣੇ ਆਈ ਹੈ, ਬੁੱਧਵਾਰ ਨੂੰ ਮਿਲਟਨ ਦੇ ਇੱਕ ਇਲਾਕੇ ਵਿਚ ਪੰਜ ਅਣਪਛਾਤੇ ਵਿਅਕਤੀਆਂ ਨੇ ਇੱਕ ਘਰ ਵਿਚ ਜ਼ਬਰਦਸਤੀ ਦਾਖਲ ਹੋ ਕੇ ਲੁੱਟਖੋਹ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਹਾਲਟਨ ਰਿਜਨਲ ਪੁਲਿਸ ਮੁਤਾਬਕ, ਇਹ ਵਾਰਦਾਤ ਸਵੇਰੇ ਕੱਲ੍ਹ ਸਵੇਰ ਕਰੀਬ 2:45 ਵਜੇ ਰੋਜ਼ ਵੇਅ ਅਤੇ ਵੈਲਵੁੱਡ ਟੈਰੇਸ ਦੇ ਇਲਾਕੇ ਵਿਚ ਵਾਪਰੀ।

ਪੁਲਿਸ ਅਨੁਸਾਰ, ਪੰਜ ਸ਼ੱਕੀ, ਜਿਨ੍ਹਾਂ ਨੇ ਆਪਣੇ ਚਿਹਰੇ ਢਕੇ ਹੋਏ ਸਨ, ਘਰ ਦਾ ਸਾਹਮਣਾ ਦਰਵਾਜ਼ਾ ਤੋੜ ਕੇ ਅੰਦਰ ਦਾਖ਼ਲ ਹੋਏ। ਮੁਲਜ਼ਮਾਂ ਨੇ ਘਰ ਵਿਚ ਮੌਜੂਦ ਇੱਕ ਮਹਿਲਾ ਨੂੰ ਡਰਾਇਆ-ਧਮਕਾਇਆ ਅਤੇ ਉਸ ਕੋਲੋਂ ਪੈਸੇ ਸਮੇਤ ਕੁਝ ਕੀਮਤੀ ਡਿਜ਼ਾਇਨਰ ਕੱਪੜੇ ਖੋਹ ਕੇ ਫ਼ਰਾਰ ਹੋ ਗਏ। ਉਨ੍ਹਾਂ ਮਹਿਲਾ ਨਾਲ ਹੱਥੋਪਾਈ ਵੀ ਕੀਤੀ ਗਈ, ਜਿਸ ਕਾਰਨ ਉਸ ਦੇ ਮਾਮੂਲੀ ਸੱਟਾਂ ਲੱਗੀਆਂ।

ਹਾਲਾਂਕਿ, ਪੁਲਿਸ ਨੇ ਦੱਸਿਆ ਕਿ ਵਾਰਦਾਤ ਦੌਰਾਨ ਕੋਈ ਹਥਿਆਰ ਨਹੀਂ ਦੇਖਿਆ ਗਿਆ। ਜ਼ਿਕਰਯੋਗ ਹੈ ਕਿ ਇਸੇ ਹਫ਼ਤੇ Vaughan ਵਿਚ ਵੀ ਘਰ 'ਤੇ ਹਮਲੇ ਦੀ ਘਟਨਾ ਹੋਈ ਸੀ,ਜਿੱਥੇ ਘਰ ਦੇ ਮਾਲਕ ਨੇ ਬਚਾਅ ਵਿਚ ਇੱਕ ਘੁਸਪੈਠੀਏ 'ਤੇ ਗੋਲੀ ਚਲਾ ਦਿੱਤੀ ਸੀ। ਉਸ ਮਾਮਲੇ ਵਿਚ ਸੂਬੇ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਨਿਵਾਸੀ ਦੀ ਦਲੇਰੀ ਦੀ ਸ਼ਲਾਘਾ ਕੀਤੀ ਅਤੇ ਪੁਲਿਸ ਨੇ ਮਾਲਕ 'ਤੇ ਕੋਈ ਚਾਰਜ ਨਹੀਂ ਲਗਾਇਆ ਹੈ।