11.3C Vancouver 11.3C VancouverMay 1, 2021 1:43 AM -
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਫਲੀਟਵੁਡ ਦੇ ਇਲਾਕੇ 'ਚ ਇੱਕ ਸਕੂਲ ਦੇ ਕੋਲ ਵਾਪਰੀ ਘਟਨਾ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਗਲਤ ਵਿਵਹਾਰ ਦਾ ਮਾਮਲਾ ਵੀਰਵਾਰ ਨੂੰ ਦੁਪਹਿਰ 4 ਵਜੇ ਤੋਂ 5 ਵਜੇ ਦੇ ਦਰਮਿਆਨ ਵਾਪਰਿਆ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਦੱਸਿਆ ਗਿਆ ਕਿ ਇੱਕ ਔਰਤ 8131 156 ਸਟ੍ਰੀਟ ਦੇ ਕੋਲ ਸਥਿਤ ਕੋਇਓਟੇ ਕਰੀਕ ਐਲੀਮੈਂਟਰੀ (Coyote Creek Elementary) ਦੇ ਇੱਕ ਪਲੇਗਰਾਊਂਡ ਦੇ ਵਿੱਚ ਸੀ ਜਦ ਇੱਕ ਆਦਮੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਆਪਣੇ ਨਿੱਜੀ ਅੰਗਾਂ ਦਾ ਵਿਖਾਵਾ ਕੀਤਾ।
ਔਰਤ ਨੇ ਰੌਲਾ ਪਾਇਆ ਤਾਂ ਇਹ ਆਦਮੀ ਮੌਕੇ ਤੋਂ ਦੌੜ ਗਿਆ।
ਸ਼ੱਕੀ ਵਿਅਕਤੀ ਨੂੰ ਦੱਖਣ ਏਸ਼ੀਆਈ ਮੂਲ ਦਾ ਦੱਸਿਆ ਗਿਆ ਹੈ।
ਇਸੇ ਇਲਾਕੇ 'ਚ ਪੁਲਿਸ ਨੂੰ 18 ਅਪ੍ਰੈਲ ਨੂੰ ਵੀ ਸ਼ੱਕੀ ਗਤੀਵਿਧੀ ਬਾਰੇ ਵੀ ਪਤਾ ਲੱਗਿਆ ਸੀ।
ਉਸ ਮੌਕੇ ਇੱਕ ਔਰਤ ਜੰਗਲੀ ਇਲਾਕੇ 'ਚ ਤੁਰ ਕੇ ਜਾ ਰਹੀ ਸੀ ਅਤੇ ਇਸ ਦੌਰਾਨ ਉਸ ਨੇ ਇੱਕ ਵਿਅਕਤੀ ਨੂੰ ਝਾੜੀਆਂ 'ਚ ਲੁਕਦੇ ਵੇਖਿਆ।
ਜਦ ਉਸ ਨੇ ਨੇੜੇ ਜਾ ਕੇ ਵੇਖਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਹ ਆਦਮੀ ਉਸ ਵੱਲ ਤੇਜ਼ੀ ਨਾਲ ਵਧਿਆ।
ਔਰਤ ਨੇ ਮੌਕੇ ਤੋਂ ਦੌੜ ਕੇ ਆਪਣੇ ਬਚਾਅ ਕੀਤਾ ਅਤੇ ਪੁਲਿਸ ਨੂੰ ਘਟਨਾ ਬਾਰੇ ਸੂਚਿਤ ਕੀਤਾ।
