12.58C Vancouver 12.58C VancouverJun 26, 2025 6:54 PM - Connect Newsroom
ਨਿਊ ਵੈਸਟਮਿੰਸਟਰ ਦੀ ਮੂਡੀ ਪਾਰਕ ਵਿਚ ਬਾਸਕਟਬਾਲ ਖੇਡ ਰਹੇ ਵਿਅਕਤੀ 'ਤੇ ਪਟਾਕਿਆਂ ਨਾਲ ਹਮਲਾ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਦੀ ਪੁਲਿਸ ਜਾਂਚ ਕਰ ਰਹੀ ਹੈ।
ਅਧਿਕਾਰੀਆਂ ਮੁਤਾਬਕ, 23 ਜੂਨ ਦੀ ਰਾਤ ਲਗਭਗ 9:30 ਵਜੇ ਪੀੜਤ ਪਾਰਕ ਦੇ ਬਾਸਕਟਬਾਲ ਕੋਰਟ ਵਿਚ ਸੀ ਜਦੋਂ ਇੱਕ ਅਣਜਾਣ ਵਿਅਕਤੀ ਇਲੈਕਟ੍ਰਿਕ ਸਕੂਟਰ 'ਤੇ ਆਇਆ ਅਤੇ ਬਲਦਾ ਹੋਇਆ ਪਟਾਕਾ ਸੁੱਟਿਆ।
ਇਸ ਘਟਨਾ ਵਿਚ ਪੀੜਤ ਦੇ ਹੱਥ ਵਿਚ ਜ਼ਖਮ ਹੋਇਆ, ਜਿਸ ਕਾਰਨ ਉਸ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਉਣਾ ਪਿਆ। ਸਾਰਜੈਂਟ ਐਂਡਰਿਊ ਲੀਵਰ ਨੇ ਕਿਹਾ ਕਿ ਉਹ ਸ਼ੱਕੀ ਦੀ ਤਲਾਸ਼ ਕਰ ਰਹੇ ਹਨ ਅਤੇ ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਉਸ ਸਮੇਂ ਦਾ ਡੈਸ਼ ਕੈਮ ਫੁਟੇਜ ਹੋ ਸਕਦਾ ਹੈ ਤਾਂ ਇਹ ਜਾਂਚਕਰਤਾਵਾਂ ਨਾਲ ਸਾਂਝਾ ਕੀਤਾ ਜਾਵੇ। ਪੁਲਿਸ ਵਲੋਂ ਸ਼ੱਕੀ ਵਿਅਕਤੀ ਇੱਕ ਨੌਜਵਾਨ ਦੱਸਿਆ ਗਿਆ ਹੈ।
