28.99C Vancouver 28.99C VancouverJun 12, 2025 6:26 PM - Connect Newsroom
ਵੈਨਕੂਵਰ ਦੇ ਉੱਤਰੀ ਸ਼ਹਿਰ ਸਕਵਾਮਿਸ਼ ਦੇ ਜੰਗਲ ਵਿਚ ਅੱਗ ਲੱਗਣ ਦੇ ਕਾਰਨ ਦੀ ਜਾਂਚ ਆਰ.ਸੀ.ਐਮ.ਪੀ. ਨੇ ਸ਼ੁਰੂ ਕਰ ਦਿੱਤੀ ਹੈ। ਸਕਵਾਮਿਸ਼ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਕਿਸੇ ਵੀ ਅਜਿਹੀ ਜਾਣਕਾਰੀ ਨਾਲ ਅੱਗੇ ਆਉਣ ਦੀ ਅਪੀਲ ਕੀਤੀ ਹੈ ਜੋ ਉਨ੍ਹਾਂ ਨੂੰ ਜਾਂਚ ਲਈ ਢੁਕਵੀਂ ਲੱਗਦੀ ਹੈ।
ਪੁਲਿਸ ਦਾ ਮੰਨਣਾ ਹੈ ਕਿ ਇਹ ਅੱਗ ਟੈਂਟਲਸ ਰੋਡ ਦੇ ਅੰਤ ਵਿਚ ਇੱਕ ਬਾਈਕ ਟ੍ਰੇਲ ਕੋਲ ਸ਼ੁਰੂ ਹੋਈ ਸੀ। ਸਾਰਜੈਂਟ ਗੈਰੇਥ ਬ੍ਰੈਡਲੀ ਨੇ ਬਿਆਨ ਵਿਚ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਅੱਗ ਲੱਗਣ ਸਮੇਂ ਕੁਝ ਲੋਕ ਉੱਥੇ ਮੌਜੂਦ ਸਨ, ਜਿਨ੍ਹਾਂ ਕੋਲ ਇਸ ਸਬੰਧੀ ਜਾਣਕਾਰੀ ਹੋ ਸਕਦੀ ਹੈ।
ਗੌਰਤਲਬ ਹੈ ਕਿ ਇਸ ਅੱਗ ਦਾ ਕਾਰਨ ਮਨੁੱਖੀ ਮੰਨਿਆ ਜਾ ਰਿਹਾ ਹੈ, ਸੋਮਵਾਰ ਦੁਪਹਿਰ ਨੂੰ ਇਹ ਡੋਵਾਡ ਡਰਾਈਵ ਅਤੇ ਡਿਪੂ ਰੋਡ ਵਿਚਕਾਰ ਘਾਹ ਵਾਲੀ ਪਹਾੜੀ 'ਤੇ ਲੱਗੀ ਸੀ, ਜੋ ਕੁਝ ਹੀ ਘੰਟਿਆਂ ਵਿਚ ਪੰਜ ਹੈਕਟੇਅਰ ਵਿਚ ਫੈਲ ਗਈ ਅਤੇ ਹੁਣ ਇਸ ਨੇ 50 ਹੈਕਟੇਅਰ ਤੋਂ ਵੱਧ ਖੇਤਰ ਨੂੰ ਆਪਣੇ ਘੇਰੇ ਵਿਚ ਲੈ ਲਿਆ ਹੈ, ਜਿਸ ਦੇ ਨਤੀਜੇ ਵਜੋਂ ਨੇੜਲੇ ਐਲਿਸ ਲੇਕ ਪ੍ਰੋਵਿੰਸ਼ੀਅਲ ਪਾਰਕ ਨੂੰ ਖਾਲੀ ਕਰਵਾਉਣਾ ਪਿਆ ਹੈ।
