24.52C Vancouver 24.52C VancouverMar 19, 2022 12:28 AM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਗੈਸ ਸਟੇਸ਼ਨ 'ਤੇ ਵਾਪਰੀ ਡਕੈਤੀ ਦੇ ਮਾਮਲੇ 'ਚ ਇੱਕ ਸ਼ੱਕੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਮਾਮਲਾ 8 ਫਰਵਰੀ ਦਾ ਦੱਸਿਆ ਗਿਆ ਹੈ।
ਕਾਂਸਟੇਬਲ ਗੁਰਵਿੰਦਰ ਘਗ ਨੇ ਦੱਸਿਆ ਕਿ ਸਵੇਰੇ ਕਰੀਬ 9.15 ਵਜੇ ਪੁਲਿਸ ਨੂੰ 104 ਐਵੀਨਿਊ ਦੇ 14400 ਬਲੌਕ 'ਚ ਸਥਿਤ ਪੈਟਰੋ ਕੈਨੇਡਾ ਸਟੇਸ਼ਨ 'ਤੇ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਡਕੈਤੀ ਦੀ ਰਿਪੋਰਟ ਮਿਲੀ ਸੀ। ਉਨ੍ਹਾਂ ਦੱਸਿਆ ਕਿ ਸ਼ੱਕੀ ਆਦਮੀ ਨੇ ਕਥਿਤ ਤੌਰ 'ਤੇ ਹੈਂਡਗਨ ਜਿਹਾ ਹਥਿਆਰ ਕੈਸ਼ੀਅਰ ਵੱਲ ਲਹਿਰਾਇਆ ਸੀ ਅਤੇ ਪੈਸੇ ਦੀ ਮੰਗ ਕੀਤੀ ਸੀ।
ਸ਼ੱਕੀ ਮੌਕੇ ਤੋਂ ਪੈਸੇ ਦੀ ਛੋਟੀ ਰਕਮ ਲੁੱਟ ਫਰਾਰ ਹੋ ਗਿਆ ਸੀ।
ਸ਼ੱਕੀ ਨੂੰ ਕੌਕੇਸ਼ੀਅਨ ਮੂਲ ਦਾ ਵਿਅਕਤੀ ਦੱਸਿਆ ਗਿਆ ਹੈ।
ਮੌਕੇ ਦੀ ਸਰਵੇਲੈਂਸ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਘਟਨਾ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
