19.54C Vancouver 19.54C VancouverMay 12, 2022 10:05 PM - Connect News
ਸਰੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਟਰੈਫਿਕ ਸਟੌਪ ਦੌਰਾਨ ਬੀਤੇ ਮਹੀਨੇ ਇੱਕ ਆਦਮੀ ਅਫ਼ਸਰਾਂ ਤੋਂ ਬੱਚ ਕੇ ਰਫੂਚੱਕਰ ਹੋ ਗਿਆ ਸੀ।
ਇਸ ਤੋਂ ਅਗਲੇ ਦਿਨ ਅਫ਼ਸਰਾਂ ਨੇ ਇਹ ਵਿਅਕਤੀ ਕਾਬੂ ਕਰ ਲਿਆ ਸੀ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਜਦ ਆਦਮੀ ਨੂੰ ਕਾਬੂ ਕੀਤਾ ਗਿਆ ਤਾਂ ਉਸ ਕੋਲ ਇੱਕ ਹੈਂਡਗਨ ਬਰਾਮਦ ਹੋਈ।
ਇਸ ਤੋਂ ਇਲਾਵਾ 4 ਪ੍ਰਕਾਰ ਦਾ ਨਸ਼ਾ ਅਤੇ $1,400 ਤੋਂ ਵਧੇਰੇ ਕੈਸ਼ ਬਰਾਮਦ ਹੋਇਆ।
ਪੁਲਿਸ ਨੇ ਵਿਅਕਤੀ ਨੂੰ 27 ਅਪ੍ਰੈਲ ਨੂੰ ਗ੍ਰਿਫਤਾਰ ਕੀਤਾ ਸੀ।
ਵਿਅਕਤੀ ਨੂੰ 61 ਐਵੀਨਿਊ ਅਤੇ 131 ਸਟ੍ਰੀਟ ਕੋਲ ਕਾਬੂ ਕੀਤਾ ਗਿਆ ਸੀ।
ਡਿਟੈਚਮੈਂਟ ਦੀ ਕਮਿਊਨਿਟੀ ਰਿਸਪਾਂਸ ਯੂਨਿਟ ਦੇ ਅਫਸਰਾਂ ਨੇ ਇਸ ਵਿਅਕਤੀ ਦੀ ਪਛਾਣ ਇੱਕ ਦਿਨ ਪਹਿਲਾਂ ਚੰਪਤ ਹੋਏ ਵਿਅਕਤੀ ਵਜੋਂ ਕੀਤੀ।
ਸ਼ੱਕੀ ਦੀ ਉਮਰ 35 ਸਾਲ ਦੱਸੀ ਗਈ ਹੈ।
ਨਸ਼ਿਆਂ ਦੀ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਦਾ ਕਹਿਣਾ ਸੀ ਕਿ ਵਿਅਕਤੀ ਕੋਲੋਂ 550 ਗ੍ਰਾਮ ਸ਼ੱਕੀ ਫੈਂਟਾਨਿਲ, 140 ਗ੍ਰਾਮ ਸ਼ੱਕੀ ਮੈਥਮਫਿਟਾਮੀਨ, 18 ਗ੍ਰਾਮ ਸ਼ੱਕੀ ਕਰੈਕ ਕੋਕੇਨ ਅਤੇ 45 ਗ੍ਰਾਮ ਪਿਲਸ ਬਰਾਮਦ ਹੋਈਆਂ।
ਪੁਲਿਸ ਦਾ ਕਹਿਣਾ ਸੀ ਕਿ ਮਾਮਲੇ 'ਚ ਜਾਂਚ ਜਾਰੀ ਹੈ ਅਤੇ ਫਿਲਹਾਲ ਆਦਮੀ 'ਤੇ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
