ਸਰੀ ਦੇ ਵੌਲੀ ਇਲਾਕੇ 'ਚ ਘਰ 'ਚ ਛਾਪੇਮਾਰੀ ਦੌਰਾਨ ਵੱਡੀ ਮਾਤਰਾ 'ਚ ਡਰੱਗਸ, ਕੈਸ਼ ਤੇ ਹਥਿਆਰ ਬਰਾਮਦ

ਸਰੀ ਆਰ.ਸੀ.ਐਮ.ਪੀ. ਦੀ ਕਮਿਊਨਿਟੀ ਰਿਸਪਾਂਸ ਯੂਨਿਟ ਨੂੰ ਡਰੱਗਸ, ਕੈਸ਼ ਤੇ ਹਥਿਆਰਾਂ ਸੰਬੰਧੀ ਜਬਤਗੀ 'ਚ ਕਾਮਯਾਬੀ ਮਿਲੀ ਹੈ।

ਇਹ ਬਰਾਮਦਗੀ ਵੌਲੀ ਇਲਾਕੇ 'ਚ ਸਥਿਤ ਘਰ ਤੋਂ ਹੋਈ ਹੈ।

3 ਜੂਨ ਨੂੰ ਸਰੀ ਆਰ.ਸੀ.ਐਮ.ਪੀ. ਦੀ ਕਮਿਊਨਿਟੀ ਰਿਸਪਾਂਸ ਯੂਨਿਟ ਨੇ ਗਰੌਸਵੈਨਰ ਰੋਡ ਦੇ 13700 ਬਲੌਕ 'ਚ ਸਥਿਤ ਘਰ 'ਚ ਛਾਪੇਮਾਰੀ ਕੀਤੀ ਸੀ।

ਤਲਾਸ਼ੀ ਦੌਰਾਨ ਇੱਕ ਭਰੀ ਹੋਈ ਪ੍ਰੋਹਿਬਟਿਡ ਸੈਮੀ-ਔਟੋਮੈਟਿਕ ਰਾਈਫਲ ਬਰਾਮਦ ਹੋਈ।

ਮੌਕੇ ਤੋਂ $12,000 ਤੋਂ ਵਧੇਰੇ ਕੈਸ਼, 43.42 ਗਰਾਮ ਸ਼ੱਕੀ ਕੋਕੇਨ, 176.86 ਗਰਾਮ ਸ਼ੱਕੀ ਫੈਂਟਾਨਿਲ, 203 ਗਰਾਮ ਸ਼ੱਕੀ ਮੈਥਮਫਿਟਾਮੀਨ, 220 ਗਰਾਮ ਸ਼ੱਕੀ ਸਿਲੋਸੀਬਿਨ ਮਸ਼ਰੂਮ, 38.45 ਗਰਾਮ ਹਾਈਡ੍ਰੋਮੌਰਫੋਨ ਪਿਲਸ, 4.38 ਗਰਾਮ ਮਿਕਸਡ ਪਿਲਸ ਅਤੇ 3,800 ਗੈਰਕਨੂੰਨੀ ਸਿਗਰੇਟਸ ਦੇ ਪੈਕ ਬਰਾਮਦ ਹੋਏ ਹਨ।

ਮੌਕੇ ਤੋਂ 9 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਪਰ ਵਧੇਰੇ ਜਾਂਚ ਦੌਰਾਨ ਉਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।