ਵਿਕਟੋਰੀਆ ਪੁਲਿਸ ਨੇ ਡਾਊਨਟਾਊਨ ਏਰੀਏ ਵਿਚ ਇਕ ਵਿਅਕਤੀ 'ਤੇ ਹੋਏ ਹਮਲੇ ਮਗਰੋਂ ਲੋਕਾਂ ਨੂੰ ਕੀਤਾ ਸਾਵਧਾਨ

ਵਿਕਟੋਰੀਆ ਪੁਲਿਸ ਨੇ ਡਾਊਨਟਾਊਨ ਏਰੀਏ ਵਿਚ ਇਕ ਵਿਅਕਤੀ 'ਤੇ ਹੋਏ ਹਮਲੇ ਮਗਰੋਂ ਲੋਕਾਂ ਨੂੰ ਸਾਵਧਾਨ ਕੀਤਾ ਹੈ। ਬੀਤੇ ਦਿਨ ਔਫੀਸਰਜ਼ ਨੂੰ ਬਲੈਨਸ਼ਾਰਡ ਸਟ੍ਰੀਟ ਦੇ ਪਾਰਕੇਡ ਵਿਚ ਇਕ ਵਿਅਕਤੀ ਜ਼ਖਮੀ ਹਾਲਤ ਵਿਚ ਮਿਲਿਆ ਸੀ।

ਜਾਂਚ ਅਧਿਕਾਰੀਆਂ ਮੁਤਾਬਕ ਸ਼ੱਕੀ ਔਰਤ ਕਾਕੇਸ਼ੀਅਨ ਮੂਲ ਦੀ ਹੈ ਜਿਸ ਦੀ ਉਮਰ ਕਰੀਬ 20 ਸਾਲ ਹੈ। ਉਨ੍ਹਾਂ ਕਿਹਾ ਕਿ ਅਜੇ ਸ਼ੱਕੀ ਔਰਤ ਦੀ ਪਛਾਣ ਨਹੀਂ ਹੋ ਸਕੀ ਅਤੇ ਨਾ ਹੀ ਹਿਰਾਸਤ ਵਿਚ ਲਈ ਗਈ ਹੈ। ਇਸ ਨੂੰ ਰੈਂਡਮ ਹਮਲਾ ਦੱਸਿਆ ਜਾ ਰਿਹਾ ਹੈ।

ਔਫੀਸਰਜ਼ ਮੁਤਾਬਕ ਵਿਅਕਤੀ 'ਤੇ ਮੰਗਲਵਾਰ ਦੁਪਹਿਰ ਜੌਹਨਸਨ ਸਟ੍ਰੀਟ ਦੇ ਸਿਨੇਪਲੈਕਸ ਓਡੀਓਨ ਮੂਵੀ ਥੀਏਟਰ ਨੇੜੇ ਹਮਲਾ ਹੋਇਆ ਸੀ। ਉਸ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਔਫੀਸਰਜ਼ ਨੇ ਲੋਕਾਂ ਨੂੰ ਇਸ ਇਲਾਕੇ ਵਿਚੋਂ ਲੰਘਦੇ ਹੋਏ ਵਧੇਰੇ ਅਲਰਟ ਰਹਿਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਕੋਲ ਸ਼ੱਕੀ ਔਰਤ ਬਾਰੇ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਉਨ੍ਹਾਂ ਦੀ ਮਦਦ ਕਰ ਸਕਦਾ ਹੈ।