15.36C Vancouver 15.36C VancouverApr 16, 2021 9:39 PM -
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਜਿਹੜੇ ਲੋਕ ਇਲਾਕੇ 'ਚ ਵਿਸਾਖੀ ਦੇ ਜਸ਼ਨ ਮਨਾ ਰਹੇ ਹਨ ਜਾਂ ਕਿਸਾਨ ਅੰਦੋਲਨ ਦੇ ਹੱਕ 'ਚ ਇਕੱਠ ਕਰ ਰਹੇ ਹਨ ਉਨ੍ਹਾਂ ਲਈ ਜ਼ਰੂਰੀ ਹੈ ਕਿ ਲੋਕ ਸਿਹਤ ਨਿਰਦੇਸ਼ਾਂ ਦੀ ਪਾਲਣਾ ਕੀਤੀ ਜਾਵੇ।
ਯਾਦ ਰਹੇ ਇਲਾਕੇ 'ਚ ਵਿਸਾਖੀ ਸੰਬੰਧੀ ਵੱਡੇ ਇਕੱਠਾਂ ਅਤੇ ਜਸ਼ਨਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਪੁਲਿਸ ਦਾ ਕਹਿਣਾ ਹੈ ਕਿ ਆਸਾਰ ਹਨ ਕਿ ਛੋਟੇ ਸਮੂਹਾਂ 'ਚ ਲੋਕਾਂ ਦੀ ਇਕੱਤਰਤਾ ਵੇਖਣ ਨੂੰ ਮਿਲ ਸਕਦੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕਿਸਾਨ ਅੰਦੋਲਨ ਦੇ ਹੱਕ 'ਚ ਹੋ ਰਹੇ ਇਕੱਠਾਂ ਅਤੇ ਇੱਕ ਸਿੱਖ ਮੋਟਰਸਾਈਕਲ ਈਵੈਂਟ ਦੀ ਵੀ ਜਾਣਕਾਰੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅਜਿਹੇ ਇਕੱਠਾਂ 'ਚ ਕੋਵਿਡ-19 ਸੰਬੰਧੀ ਨਿਯਮਾਂ ਦੀ ਪਾਲਣਾ ਕਰਨਾ ਜ਼ਰੂਰੀ ਹੋਵੇਗਾ।
ਇਸ ਦੌਰਾਨ ਲੋਕਾਂ ਵਿਚਾਲੇ 2 ਮੀਟਰ ਦੀ ਦੂਰੀ ਬਣਾ ਕੇ ਰੱਖਣਾ ਜ਼ਰੂਰੀ ਹੋਵੇਗਾ।
ਆਊਟਡੋਰ ਇਕੱਠਾਂ ਨੂੰ 10 ਲੋਕਾਂ ਤਕ ਸੀਮਤ ਰੱਖਣਾ ਹੋਵੇਗਾ ਅਤੇ ਜੇਕਰ ਕੋਈ ਇੱਕ ਵਿਅਕਤੀ ਜਾਂਦਾ ਹੈ ਤਾਂ ਕਿਸੇ ਹੋਰ ਨੂੰ ਉਸ ਦੀ ਜਗ੍ਹਾ ਲੈਣ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਹੈਂਡ ਸੈਨੀਟਾਈਜ਼ਰ ਦਾ ਪ੍ਰਬੰਧ ਜ਼ਰੂਰੀ ਹੋਵੇਗਾ।
ਕੋਈ ਇਕੱਠ ਕਿਸੇ ਇੰਡੋਰ ਜਗ੍ਹਾ 'ਤੇ ਨਹੀਂ ਕੀਤਾ ਜਾ ਸਕੇਗਾ।
ਸਰੀ ਆਰ.ਸੀ.ਐਮ.ਪੀ. ਦੀ ਕੋਵਿਡ-19 ਕੰਪਲਾਇੰਸ ਅਤੇ ਐਨਫੋਰਸਮੈਂਟ ਟੀਮ ਵੱਲੋਂ ਅਜਿਹੀਆਂ ਥਾਵਾਂ 'ਤੇ ਧਿਆਨ ਰੱਖਿਆ ਜਾਵੇਗਾ।
