14.99C Vancouver 14.99C VancouverFeb 17, 2021 2:13 AM -
ਆਰ.ਸੀ.ਐਮ.ਪੀ. ਨੇ ਸਰੀ 'ਚ ਗੰਭੀਰ ਰੂਪ 'ਚ ਜ਼ਖਮੀ ਹੋਏ ਇੱਕ ਵਿਅਕਤੀ ਤੋਂ ਮੁਆਫੀ ਮੰਗੀ ਹੈ।
ਅਫ਼ਸਰਾਂ ਨੇ ਇਸ ਵਿਅਕਤੀ ਨੂੰ ਗਲਤੀ ਨਾਲ ਡਕੈਤੀ ਦਾ ਸ਼ੱਕੀ ਸਮਝ ਲਿਆ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਇੱਕ ਹਥਿਆਰਬੰਦ ਵਿਅਕਤੀ ਵੱਲੋਂ ਡਕੈਤੀ ਦੀ ਕੋਸ਼ਿਸ਼ ਦੇ ਮਾਮਲੇ 'ਚ ਜਾਂਚ ਲਈ 8 ਫਰਵਰੀ ਨੂੰ ਸਵੇਰ ਦੇ ਸਮੇਂ ਬੁਲਾਇਆ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਇੱਕ ਅਫ਼ਸਰ ਨੇ ਇੱਕ ਵਿਅਕਤੀ ਨੂੰ ਇਸ ਇਲਾਕੇ 'ਚ ਸਾਈਕਲ ਚਲਾਉਂਦੇ ਵੇਖਿਆ।
ਉਸ ਦੀ ਪਛਾਣ ਸ਼ੱਕੀ ਵਿਅਕਤੀ ਨਾਲ ਮਿਲਦੇ ਹੋਣ ਬਾਰੇ ਦੱਸਿਆ ਗਿਆ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਸ ਵਿਅਕਤੀ ਨੇ ਪੁਲਿਸ ਵੱਲੋਂ ਹਿਰਾਸਤ 'ਚ ਲਏ ਜਾਣ ਦੀ ਕੋਸ਼ਿਸ਼ ਤੋਂ ਬਚਾਅ ਦੀ ਕੋਸ਼ਿਸ਼ ਕੀਤੀ ਸੀ।
ਫਿਰ ਮੌਕੇ 'ਤੇ ਬਾਕੀ ਅਫ਼ਸਰ ਪਹੁੰਚ ਗਏ ਅਤੇ ਇਸ ਵਿਅਕਤੀ ਨੂੰ ਕਾਬੂ ਕਰਨ ਲਈ ਤਾਕਤ ਦਾ ਇਸਤੇਮਾਲ ਕੀਤਾ ਗਿਆ।
ਪੀੜਤ ਵਿਅਕਤੀ ਨੂੰ ਬੀ.ਸੀ. ਐਮਰਜੈਂਸੀ ਹੈਲਥ ਸਰਵਿਸਿਜ਼ ਨੇ ਟ੍ਰੀਟਮੈਂਟ ਦਿੱਤਾ।
ਬਾਅਦ 'ਚ ਪਤਾ ਲੱਗਿਆ ਵਿਅਕਤੀ ਦੀ ਪਛਾਣ ਗਲਤ ਹੋ ਗਈ ਸੀ।
ਵਿਅਕਤੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ ਅਤੇ ਮਾਮਲੇ ਦੀ ਜਾਣਕਾਰੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਨੂੰ ਦਿੱਤੀ ਗਈ ਸੀ।
ਹੁਣ ਆਈ.ਆਈ.ਓ. ਵੱਲੋਂ ਜਾਂਚ ਕੀਤੀ ਜਾਵੇਗੀ।
