17.83C Vancouver 17.83C VancouverSep 17, 2020 7:24 PM -
ਕੈਨੇਡੀਅਨ ਫੈਡੇਰੇਸ਼ਨ ਔਫ਼ ਸਟੂਡੈਂਟਸ ਦੁਆਰਾ ਇਸ ਵੇਲੇ ਪੋਸਟ-ਸੈਕੈਂਡਰੀ ਸੰਸਥਾਵਾਂ ਦੀ ਫੀਸ ਨੂੰ ਲੈਕੇ ਕਾਫੀ ਚਿੰਤਾ ਅਤੇ ਪਰੇਸ਼ਾਨੀ ਜ਼ਾਹਿਰ ਕੀਤੀ ਜਾ ਰਹੀ ਹੈ।
ਕਿਉਂਕਿ ਸੰਸਥਾਵਾਂ ਵੱਲੋਂ ਵਿਦਿਆਰਥੀਆਂ ਕੋਲੋਂ ਉਨ੍ਹਾਂ ਸੇਵਾਵਾਂ ਅਤੇ ਸਹੂਲਤਾਂ ਦੀ ਫੀਸ ਲਈ ਜਾ ਰਹੀ ਹੈ, ਜੋ ਉਹ ਵਰਤ ਵੀ ਨਹੀਂ ਸਕਦੇ ਹਨ।
ਕੋਵਿਡ-19 ਪੈਨਡੇਮਿਕ ਕਾਰਨ ਕਲਾਸਾਂ ਦੇ ਔਨਲਾਈਨ ਹੋਣ ਨਾਲ, ਵਿਦਿਆਰਥੀ ਆਪਣੇ ਕੈਮਪਸ ਦੀ ਲਾਈਬਰੇਰੀ ਅਤੇ ਐਥਲੈਟਿਕ ਸੈਂਟਰਸ ਵੀ ਨਹੀਂ ਜਾ ਸਕਦੇ ਹਨ।
ਫੈਡੇਰੇਸ਼ਨ ਦੀ ਡਿਪਟੀ ਚੇਅਰਪਰਸਨ ਨਿਕੋਲ ਬ੍ਰਾਯਿਨਾਇਸ ਦਾ ਕਹਿਣਾ ਹੈ ਕਿ ਇਹ ਫੀਸ, ਪੈਨਡੇਮਿਕ ਦੀ ਗੰਭੀਰ ਸਥਿਤੀ ਦੌਰਾਨ ਨੌਜਵਾਨਾਂ ਤੇ ਵਧੇਰੇ ਬੋਝ ਹੈ।
ਫੈਡੇਰੇਸ਼ਨ ਨੇ ਪੋਸਟ-ਸੈਕੈਂਡਰੀ ਵਾਸਤੇ ਕੇਂਦਰ ਸਰਕਾਰ ਤੋਂ ਤੁਰੰਤ ਸਹਾਇਤਾ ਦੀ ਗੁਹਾਰ ਲਗਾਈ ਹੈ।
ਯੂਨੀਵਰਸਿਟੀਜ਼ ਕੈਨੇਡਾ ਦੀ ਬੁਲਾਰੀ ਬਰੇਨਾ ਬੈਗਸ ਦਾ ਕਹਿਣਾ ਹੈ ਕਿ ਯੂਨੀਵਰਸਿਟੀਸ ਨੂੰ ਆਉਣ ਵਾਲੇ ਲੰਬੇ ਸਮੇਂ ਦੌਰਾਨ ਵਿਦਿਆਰਥੀਆਂ ਦੀ ਸੇਵਾ ਅਤੇ ਸਿੱਖਿਆ ਲਈ ਚੰਗੀ ਤਰ੍ਹਾਂ ਤਿਆਰ ਰਹਿਣ ਦੀ ਲੋੜ ਹੈ।
ਉਨ੍ਹਾਂ ਉਮੀਦ ਜ਼ਾਹਿਰ ਕੀਤੀ ਕਿ ਇਹ ਸੇਵਾਵਾਂ ਅਤੇ ਸੁਵੀਧਾਵਾਂ ਅਗਲੇ ਸਮੈਸਟਰ ਜਾਂ ਫਿਰ ਅਗਲੇ ਸਾਲ ਖੁੱਲ੍ਹ ਸਕਦੀਆਂ ਹਨ।
